ఫైనల్ అంటే ఇలా ఉండాలి.. ఆఖరి బంతి వరకు నరాలు తెగే ఉత్కంఠ! సూపర్ ఓవర్‌లో పాకిస్థాన్ గెలిచి ఎలా చరిత్ర సృష్టించిందో తెలిస్తే వావ్ అంటారు.
దోహా వేదికగా జరిగిన ఆసియా కప్ రైజింగ్ స్టార్స్ 2025 ఫైనల్ పోరు క్రికెట్ అభిమానులకు అసలైన మజా పంచింది. నువ్వా నేనా అన్నట్లు సాగిన ఈ తుది పోరులో బంగ్లాదేశ్-ఏ జట్టుపై పాకిస్థాన్-ఏ జట్టు సూపర్ ఓవర్‌లో అద్భుత విజయం సాధించి ట్రోఫీని ముద్దాడింది.
టై అయిన మ్యాచ్.. సూపర్ ఓవర్ థ్రిల్!
టాస్ గెలిచి బౌలింగ్ ఎంచుకున్న బంగ్లాదేశ్, పాక్ జట్టును 125 పరుగులకే కట్టడి చేసింది. బంగ్లా బౌలర్ రిపోన్ మండల్ రాణించాడు. అయితే, 126 పరుగుల లక్ష్యంతో బరిలోకి దిగిన బంగ్లాదేశ్ కూడా నిర్ణీత 20 ఓవర్లలో సరిగ్గా 125 పరుగులే చేసి 9 వికెట్లు కోల్పోయింది. దీంతో స్కోర్లు సమం అయ్యి మ్యాచ్ టై అయ్యింది.
సూపర్ ఓవర్‌లో జరిగింది ఇదే:
పాక్ బౌలర్ అహ్మద్ దానియల్ అద్భుతంగా బౌలింగ్ చేసి, బంగ్లాదేశ్‌ను కేవలం 6 పరుగులకే (2 వికెట్లు) కట్టడి చేశాడు.
విజయానికి కావాల్సిన 7 పరుగులను పాకిస్థాన్-ఏ జట్టు మరో రెండు బంతులు మిగిలి ఉండగానే ఛేదించింది.
ఈ విజయంతో ఈ టోర్నీ చరిత్రలో మూడుసార్లు టైటిల్ గెలిచిన ఏకైక జట్టుగా పాకిస్థాన్-ఏ రికార్డు సృష్టించింది.
