మద్యం వ్యాపారంతో ఆ ఒక్క దేశం సంపాదించిన డబ్బు తెలిస్తే కళ్లు తిరుగుతాయి! ఇది అమెరికా, బ్రిటన్ కాదు.. ఆ దేశం ఏదో తెలిస్తే షాక్ అవుతారు!
భారతదేశంతో సహా ప్రపంచవ్యాప్తంగా అనేక దేశాలలో మద్యం పెద్ద మొత్తంలో వినియోగిస్తారు. అమెరికా, బ్రిటన్‌లలో కూడా మద్యం వాడకం ఎక్కువే. కానీ, మద్యం అమ్మకాల ద్వారా అత్యధికంగా సంపాదిస్తున్న దేశం ఒకటి ఉంది.
మద్యం అమ్మకాల్లో.. చైనా టాప్!
గ్రాండ్ వ్యూ రీసెర్చ్ నివేదిక ప్రకారం.. మద్యం అమ్మకం ద్వారా భారీ మొత్తంలో డబ్బు సంపాదించింది చైనా. ఇన్ఫోగ్రామ్ వెబ్‌సైట్ ప్రకారం.. 2018లో చైనా మద్యం ద్వారా అత్యధిక ఆదాయాన్ని ఆర్జించింది. ఆ అంచనా ప్రకారం ఏకంగా రూ. 23.7 లక్షల కోట్లు సంపాదించింది.
2023లో బీరు అమ్మకం ద్వారా చైనా అత్యధిక ఆదాయాన్ని ఆర్జించింది. 2025 నుండి 2030 మధ్య ఈ రంగం వృద్ధి రేటు 10.1 శాతంగా ఉంటుందని, 2030 నాటికి చైనా మద్య పానీయాల మార్కెట్ రూ. 19.1 లక్షల కోట్లకు చేరుకుంటుందని అంచనా.
ఎందుకీ భారీ ఆదాయం?
చైనాలో పెరుగుతున్న పట్టణ జనాభా, వేగంగా మారుతున్న జీవనశైలి, ముఖ్యంగా ప్రీమియం పానీయాలకు పెరుగుతున్న డిమాండ్ ఈ ఆదాయ వృద్ధికి కారణమవుతున్నాయి. 'మార్కెటింగ్ టు చైనా' వెబ్‌సైట్ ప్రకారం.. మధ్యతరగతి వారిలో ఆల్కహాల్ డిమాండ్ విపరీతంగా పెరిగింది.
మారుతున్న ట్రెండ్.. ఆన్‌లైన్ జోరు!
ప్రజలు ఇప్పుడు సాంప్రదాయ 'బైజు' (Baijiu)కు బదులుగా వైన్, స్పిరిట్స్, హార్డ్ సెల్ట్జర్ వంటి పానీయాలపై ఎక్కువ ఆసక్తి చూపుతున్నారు. ఫలితంగా, రాబోయే సంవత్సరాల్లో ఒక్క వైన్ ఆదాయమే 45.15 శాతం పెరిగే అవకాశం ఉంది.
దీనికి తోడు, చైనాలో ఆన్‌లైన్ మద్యం అమ్మకాలు విపరీతంగా పెరుగుతున్నాయి. 55 శాతం మంది చైనీయులు ఆన్‌లైన్‌లోనే ఆర్డర్ చేస్తున్నారు. అమ్మకాలను పెంచడంలో ఈ-కామర్స్, సోషల్ మీడియా కీలక పాత్ర పోషిస్తున్నాయి.
సాంప్రదాయ పానీయాల నుండి ప్రీమియం, క్రాఫ్ట్ బీర్ల వైపు మారుతున్న ట్రెండ్, ఆన్‌లైన్ డెలివరీల సౌలభ్యం.. చైనాను ప్రపంచంలోనే అతిపెద్ద మద్యం మార్కెట్‌గా, అత్యధిక ఆదాయం పొందే దేశంగా నిలబెడుతున్నాయి.
