దర్శకధీరుడు రాజమౌళి ఇప్పటివరకు చేసిన ప్రతీ సినిమా ఒక సంచలనమే. ఆయన విజయం వెనుక ఉన్న అసలు రహస్యం బలమైన కథ, భావోద్వేగం, కళ్లు చెదిరే యాక్షన్. 'బాహుబలి', 'RRR' వంటి చిత్రాలు చూసినా, ఆయన ఎప్పుడూ టెక్నాలజీని కథ కోసం వాడారు తప్ప, టెక్నాలజీ ఆధారిత కథలను ఎంచుకోలేదు. కానీ, ఇప్పుడు మహేశ్ బాబుతో చేస్తున్న 'SSMB29' విషయంలో ఆ రూల్ బ్రేక్ చేస్తున్నట్లు కనిపిస్తోంది.
'కుంభ' ఫస్ట్ లుక్.. హాలీవుడ్ రేంజ్ టెక్నాలజీ!
తాజాగా ఈ చిత్రం నుండి విలన్ పృథ్వీరాజ్ సుకుమారన్ 'కుంభ' ఫస్ట్ లుక్‌ను విడుదల చేశారు. ఈ పోస్టర్ చూసిన వారందరూ ఆశ్చర్యపోతున్నారు. కారణం, అందులో పృథ్వీరాజ్ కూర్చున్న కుర్చీ. అది సాధారణ వీల్ చైర్‌లా కాకుండా, ఒక భయంకరమైన మెషీన్‌లా, ఆయుధంలా కనిపిస్తోంది. హాలీవుడ్ సైన్స్ ఫిక్షన్ చిత్రాలలో కనిపించే ఇలాంటి టెక్నాలజీని జక్కన్న తన సినిమాలో వాడటం ఇదే మొదటిసారి.
జక్కన్న ప్రయోగం.. మహేశ్ ఫ్యాన్స్ ఆందోళన!
రాజమౌళి టేకింగ్, మేకింగ్‌పై నమ్మకం ఉన్నప్పటికీ, ఆయన తనకు అలవాటు లేని హై-టెక్ జానర్‌ను ఎంచుకోవడంపైనే మహేశ్ బాబు అభిమానులు కొంత ఆందోళన చెందుతున్నారు. 'మగధీర', 'బాహుబలి', 'RRR' వంటి బలమైన కథలతో చరిత్ర సృష్టించిన జక్కన్న, ఇప్పుడు మహేశ్ బాబుతో ఇలాంటి ప్రయోగం చేయడం అవసరమా అని వారు ప్రశ్నిస్తున్నారు. ఆయన బలం ఎమోషన్‌లో ఉంది కానీ, టెక్నాలజీ ప్రయోగాలలో కాదనేది వారి ఫీలింగ్.
మొత్తం మీద, 'కుంభ' ఫస్ట్ లుక్ 'SSMB29' ఒక సరికొత్త ప్రపంచంలో ఉండబోతోందని స్పష్టం చేసింది. అయితే, ఈ కొత్త జానర్ ప్రయోగం రాజమౌళి మ్యాజిక్‌ను ఏమాత్రం తగ్గిస్తుందో, లేక రెట్టింపు చేస్తుందో తెలియాలంటే సినిమా వచ్చేవరకు ఆగాల్సిందే.
ఈ ఫస్ట్ లుక్‌పై మీ అభిప్రాయం ఏంటి? కామెంట్స్‌లో పంచుకోండి!
మరిన్ని ఇలాంటి ఆసక్తికరమైన సినీ వార్తల కోసం, మా వెబ్‌సైట్ telugu13.comను ఫాలో అవ్వండి.
