తల్లిదండ్రులు లేక, పేదరికం కారణంగా చదువుకు దూరమవుతున్న చిన్నారులకు ఇది నిజంగా శుభవార్త. అనాథ పిల్లల భవిష్యత్తుకు బంగారు బాటలు వేస్తూ, కార్పొరేట్ స్థాయి విద్యను ఉచితంగా అందిస్తోంది 'హీల్ ప్యారడైజ్' (HEAL Paradise).
ఏలూరు జిల్లాలోని ఈ పాఠశాల.. 2026-27 విద్యా సంవత్సరానికి గాను అడ్మిషన్ల కోసం దరఖాస్తులు ఆహ్వానిస్తోంది. ఒకటో తరగతి నుంచి ఇంటర్ వరకు ఇక్కడ రూపాయి ఖర్చు లేకుండా చదువుకోవచ్చు.
హీల్ ప్యారడైజ్.. పేద విద్యార్థులకు వరం!
డాక్టర్ కోనేరు సత్యప్రసాద్ స్థాపించిన ఈ 'హీల్ ప్యారడైజ్' పాఠశాల ఏలూరు జిల్లా, ఆగిరిపల్లి మండలం తోటపల్లిలో ఉంది. గన్నవరం ఎయిర్పోర్ట్కు 12 కిలోమీటర్ల దూరంలో, ఏకంగా 90 ఎకరాల సువిశాల ప్రాంగణంలో ఈ విద్యాసంస్థను నెలకొల్పారు. ఇక్కడ సీబీఎస్ఈ (CBSE) సిలబస్తో ఇంగ్లీష్ మీడియం విద్యను అందిస్తారు.
అద్భుతమైన సౌకర్యాలు.. అన్నీ ఉచితం!
ఇక్కడ కేవలం చదువు మాత్రమే కాదు, విద్యార్థుల సర్వతోముఖాభివృద్ధికి అవసరమైన అన్ని సౌకర్యాలు కల్పిస్తున్నారు.
వసతి & భోజనం: బాలబాలికలకు వేర్వేరుగా హాస్టల్స్ ఉన్నాయి. సోలార్ వంటగదిలో వండిన రుచికరమైన భోజనం, సేంద్రియ కూరగాయలు, ఆర్వో (RO) వాటర్ అందిస్తారు.
ఆధునిక విద్య: స్మార్ట్ క్లాస్రూమ్స్, ఆన్లైన్ తరగతులు, సువిశాలమైన లైబ్రరీ (15 వేల పుస్తకాలు) ఉన్నాయి. ఫిజిక్స్, కెమిస్ట్రీ, బయాలజీ, కంప్యూటర్ ల్యాబ్స్ అందుబాటులో ఉన్నాయి.
టెక్నాలజీ: ఇన్నోవేషన్ సెంటర్, ఏఐ (Artificial Intelligence), సైబర్ సెక్యూరిటీ, 3డీ ప్రింటింగ్, డిజైన్ థింకింగ్ వంటి అత్యాధునిక కోర్సుల్లో శిక్షణ ఇస్తారు.
క్రీడలు & కళలు: ఇండోర్ స్టేడియం, క్రీడా మైదానాలు ఉన్నాయి. సంగీతం, నృత్యం, త్రీడీ పెయింటింగ్, క్రాఫ్ట్స్ వంటి కళల్లోనూ శిక్షణ ఇస్తూ ప్రోత్సహిస్తారు.
ఆరోగ్యం: విద్యార్థుల ఆరోగ్యం కోసం క్యాంపస్లోనే ఆసుపత్రి సౌకర్యం కూడా ఉంది.
అడ్మిషన్లు - అర్హతలు (2026-27)
దేశంలోని ఏ ప్రాంతం వారైనా ఇక్కడ చేరవచ్చు. ప్రవేశాలకు సంబంధించిన పూర్తి వివరాలు ఇవే:
1. పాఠశాల విభాగం (1 నుంచి 9వ తరగతి):
అర్హత: తల్లిదండ్రులను కోల్పోయిన వారు లేదా ఇద్దరిలో ఒకరిని కోల్పోయి ఆర్థికంగా ఇబ్బంది పడుతున్న వారు.
వయసు: 6 నుంచి 15 ఏళ్ల మధ్య ఉండాలి.
2. ఇంటర్మీడియట్ (ఎంపీసీ, బైపీసీ, ఎంఈఏ):
అర్హత: ఆర్థికంగా వెనుకబడిన మెరిట్ విద్యార్థులు.
మార్కులు: పదో తరగతిలో 480 మార్కులు (స్టేట్ బోర్డ్), లేదా 400 మార్కులు (CBSE/ICSE) సాధించి ఉండాలి.
3. అంధుల పాఠశాల (1 నుంచి 8వ తరగతి):
అర్హత: ఆర్థికంగా వెనుకబడి, 40 శాతం కంటే ఎక్కువ అంధత్వం (Visual Impairment) ఉన్న చిన్నారులు.
ఎంపిక విధానం - కావాల్సిన పత్రాలు
అడ్మిషన్ కోసం తల్లిదండ్రుల డెత్ సర్టిఫికెట్ (వర్తిస్తే), ఆదాయ ధ్రువీకరణ పత్రం, తెల్ల రేషన్ కార్డు తప్పనిసరి.
సంస్థ నిర్వహించే 'హీల్ ఎంట్రన్స్ ఎగ్జామ్' మరియు ఇంటర్వ్యూలో ఉత్తీర్ణులైన వారికి మాత్రమే సీటు కేటాయిస్తారు.
ఇక్కడ చదివిన విద్యార్థులు మెడికల్, ఇంజినీరింగ్ వంటి ఉన్నత చదువులు చదవడానికి కూడా సంస్థ ఆర్థిక సాయం చేస్తుంది.
గడువు & సంప్రదించాల్సిన వివరాలు
మీకు తెలిసిన అర్హులైన పేద విద్యార్థులు ఎవరైనా ఉంటే, వారికి ఈ సమాచారం తెలియజేయండి.
దరఖాస్తుకు చివరి తేదీ: 2026, ఫిబ్రవరి 15.
ఫోన్ నంబర్లు: 91000 24438, 91000 24435.
వెబ్సైట్: www.healschool.co.in
