సమంత, రాజ్ పెళ్లి చేసుకున్నారు సరే.. కానీ సమంతను పెళ్లాడిన రాజ్ నిడిమోరు మాజీ భార్య శ్యామలి డే ఎవరు? ఆమె నేపథ్యం, విడాకులు, తాజా ఇన్స్టా పోస్ట్ వెనుక ఉన్న అసలు కథ ఇదే.
'ది ఫ్యామిలీ మ్యాన్', 'ఫర్జీ' వంటి సిరీస్లతో గుర్తింపు తెచ్చుకున్న దర్శకుడు రాజ్ నిడిమోరు, స్టార్ హీరోయిన్ సమంతను డిసెంబర్ 1, 2025న కోయంబత్తూరులో పెళ్లాడారు. అయితే, ఈ పెళ్లి ఫోటోలు వైరల్ అవ్వగానే అందరి దృష్టి రాజ్ మాజీ భార్య శ్యామలి డే (Shhyamali De) వైపు మళ్లింది. ఇన్నాళ్లు లైమ్లైట్కు దూరంగా ఉన్న ఆమె, ఇప్పుడు సోషల్ మీడియాలో చేసిన వ్యాఖ్యలతో చర్చనీయాంశమయ్యారు.
అసలు శ్యామలి డే ఎవరు? ఆమె నేపథ్యం ఇదీ:
ముంబైకి చెందిన శ్యామలి, మిథిబాయి కాలేజీలో సైకాలజీ చదివారు.
'రంగ్ దే బసంతి', 'దబాంగ్ 2', 'ఢిల్లీ 6', 'ఓంకార' వంటి భారీ చిత్రాలకు అసిస్టెంట్ మరియు అసోసియేట్ డైరెక్టర్గా పనిచేశారు.
ప్రస్తుతం ఆమె ఒక రేకీ హీలర్ (Reiki Healer)గా ఉంటూ యోగా, ట్రావెలింగ్, తన పెంపుడు కుక్కలతో సమయం గడుపుతున్నారు.
రాజ్, శ్యామలి 2015లో వివాహం చేసుకోగా, వీరికి ఒక పాప ఉంది. 2022లో విడాకులు తీసుకున్నప్పటికీ, ఆ విషయాన్ని బయటకు రానీయకుండా గోప్యంగా ఉంచారు. అయితే, రాజ్ రెండో పెళ్లి జరిగిన వెంటనే శ్యామలి సోషల్ మీడియాలో ఒక పరోక్ష పోస్ట్ పెట్టారు. "నిరాశ నిస్పృహల్లో ఉన్న జనం" (Desperate People) అంటూ ఆమె చేసిన వ్యాఖ్య, తన మాజీ భర్త తొందరపాటు పెళ్లిని ఉద్దేశించేనని నెటిజన్లు భావిస్తున్నారు. అటు సమంత మాజీ భర్త నాగ చైతన్య కూడా 2024లోనే శోభితను పెళ్లాడటం గమనార్హం.
