ప్రభాస్ కంటే ముందు 'రాజాసాబ్' కథ ఆ ఇద్దరు స్టార్ హీరోల దగ్గరికి వెళ్లిందా? షాకింగ్ నిజాలు!
పాన్ ఇండియా స్టార్ ప్రభాస్ (Prabhas) సినిమా అంటే చేయడానికి ఎవరైనా ఎగిరి గంతేస్తారు. కానీ 'ది రాజాసాబ్' (The Raja Saab) విషయంలో సీన్ రివర్స్ అయ్యింది. ప్రస్తుతం థియేటర్లలో సందడి చేస్తున్న ఈ సినిమా కథ.. ప్రభాస్ కంటే ముందే ఇద్దరు బడా స్టార్ హీరోల దగ్గరికి వెళ్లిందట. వాళ్లు "నో" చెబితేనే డార్లింగ్ "యస్" చెప్పారట. ఇంతకీ ఆ ఇద్దరు హీరోలు ఎవరు? వాళ్లు ఎందుకు రిజెక్ట్ చేశారు? ఇప్పుడు బయటపడ్డ ఆసక్తికర విషయం ఇది.
మారుతి ఫస్ట్ ఛాయిస్ ప్రభాస్ కాదా?
డైరెక్టర్ మారుతి (Maruthi) ఈ హారర్ కామెడీ కథను మొదట ప్రభాస్ కోసం రాయలేదట. సోషల్ మీడియాలో, సినీ వర్గాల్లో వినిపిస్తున్న సమాచారం ప్రకారం.. మారుతి మొదట ఈ కథను నేచురల్ స్టార్ నాని (Nani) కి వినిపించారట. 'భలే భలే మగాడివోయ్' కాంబినేషన్ కాబట్టి వర్కౌట్ అవుతుందని భావించారు. కానీ నాని ఎందుకో ఈ ప్రాజెక్ట్ పట్ల ఆసక్తి చూపించలేదు.
తమిళ స్టార్ కూడా రిజెక్ట్?
నాని తర్వాత మారుతి ఈ కథను తమిళ స్టార్ హీరో సూర్య (Suriya) దగ్గరికి తీసుకెళ్లారట. మాస్, క్లాస్, ఎక్స్ పెరిమెంట్స్ ఇష్టపడే సూర్య కూడా ఈ కథను సున్నితంగా తిరస్కరించారట. వీరిద్దరూ రిజెక్ట్ చేసిన తర్వాతే.. మారుతి ఈ కథలో కొన్ని మార్పులు చేసి ప్రభాస్ కు వినిపించడం, ఆయన వెంటనే ఓకే చేయడం జరిగిపోయాయి.
ఫ్యాన్స్ రియాక్షన్
ప్రస్తుతం 'ది రాజాసాబ్' సినిమాకు మిక్స్ డ్ టాక్ (Mixed Talk) వస్తోంది. ఇది చూసిన నెటిజన్లు.. "నాని, సూర్య ఈ కథను రిజెక్ట్ చేసి మంచipani చేశారు, వాళ్లు ముందే పసిగట్టారు" అని కామెంట్స్ చేస్తున్నారు. అయితే ప్రభాస్ తన ఇమేజ్ పక్కన పెట్టి ఇలాంటి ఎంటర్టైన్మెంట్ సినిమా చేయడం గ్రేట్ అని మరికొందరు అంటున్నారు.
బాటమ్ లైన్
ఒకరి రిజక్షన్ మరొకరికి సెలెక్షన్.. కానీ!
గ్లోబల్ స్టార్ రేంజ్ లో ఉండి కూడా.. మారుతి లాంటి మీడియం రేంజ్ డైరెక్టర్ ని నమ్మి ప్రభాస్ చేసిన ఈ ప్రయోగం ఆయన మంచితనానికి నిదర్శనం.
స్క్రిప్ట్ దశలోనే రిజల్ట్ ని ఊహించి నాని, సూర్య తప్పుకోవడం వారి జడ్జిమెంట్ పవర్ ని చూపిస్తోంది. ఏది ఏమైనా 'రాజాసాబ్' ఇప్పుడు హాట్ టాపిక్!
