15 బాంబులకు 5 బాంబుల కౌంటర్.. అమెరికాను వణికిస్తున్న ఇరాన్ సంచలన షరతులు! ముగింపు పడేనా?
పశ్చిమాసియాలో నెత్తురు పారుతున్న వేళ.. యుద్ధరంగాన్ని టేబుల్ మీదకు తీసుకొచ్చాయి అగ్రరాజ్యాలు. నిన్నటి దాకా అమెరికా అధ్యక్షుడు డొనాల్డ్ ట్రంప్ 15 కఠినమైన షరతులు విసిరితే.. ఇప్పుడు దానికి ఏమాత్రం తగ్గకుండా ఇరాన్ ఐదు భయంకరమైన కండిషన్లతో తిరిగి కౌంటర్ ఎటాక్ చేసింది. పరోక్ష శాంతి చర్చలకు ఇరాన్ నూతన సుప్రీం లీడర్ మోజ్తాబా ఖమేనీ అంగీకరించినా, యుద్ధాన్ని ముగించడానికి అమెరికా ముందు పెట్టిన ఆ ఐదు అధికారిక డిమాండ్లు ఇప్పుడు ప్రపంచ దేశాలను ఉలిక్కిపడేలా చేస్తున్నాయి.
ఇరాన్ పేల్చిన ఐదు బాంబులు.. అమెరికాకు చుక్కలే!
ఇరాన్ అడిగిన మొదటి షరతు.. తమపై ఇకముందు భవిష్యత్తులో ఎలాంటి దాడులు జరగవని అమెరికా గట్టి హామీ ఇవ్వాలి. రెండవది, అత్యంత కీలకమైన హర్మూజ్ జలసంధిపై తమకు పూర్తి గుత్తాధిపత్యం కావాలని, అక్కడి నుంచి వెళ్లే ప్రతి నౌక నుంచి 'ట్రాన్సిట్ రుసుము' వసూలు చేసుకునే అధికారం తమకే ఇచ్చేలా కొత్త ఒప్పందం జరగాలని డిమాండ్ చేసింది.
మూడవది, గల్ఫ్ దేశాల్లో ఉన్న అమెరికా సైనిక స్థావరాలన్నీ తమ భద్రతకు ముప్పుగా ఉన్నాయని, వాటన్నింటినీ తక్షణమే మూసివేయాలని తేల్చిచెప్పింది. నాలుగవది, ఈ భీకర యుద్ధం వల్ల తమకు జరిగిన భారీ ఆర్థిక నష్టానికి అమెరికా పరిహారం చెల్లించాలట. ఇక ఐదవది.. తమ మిత్రపక్షమైన హెజ్బొల్లాపై ఇజ్రాయెల్ చేస్తోన్న సైనిక దాడులను వెంటనే ఆపేయాలి.
తగ్గేదేలే అంటున్న అగ్రరాజ్యం.. డెడ్లాక్లో చర్చలు
ఇరాన్ పెట్టిన ఈ కండిషన్లపై అమెరికా ఎలా స్పందిస్తుందన్నది ఇప్పుడు అత్యంత ఉత్కంఠగా మారింది. అయితే, మిగతా షరతులపై చర్చించడానికి అంగీకరించినా.. ప్రపంచ వాణిజ్యానికి గుండెకాయ లాంటి హర్మూజ్ జలసంధిని ఇరాన్ చేతిలో పెట్టడానికి మాత్రం అమెరికా ససేమిరా అంటున్నట్లు సమాచారం.
మరోవైపు అమెరికా పెట్టిన పాత కండిషన్లు కూడా టేబుల్ మీదే ఉన్నాయి. బాలిస్టిక్ మిస్సైల్ ప్రయోగాలను ఐదేళ్ల పాటు నిలిపివేయడం, శుద్ధి చేసిన యురేనియంను అప్పగించడం, అలాగే హమాస్, హెజ్బొల్లా, ఇరాకీ మిలిషియా లాంటి సంస్థలకు ఇరాన్ తన సహకారాన్ని శాశ్వతంగా ఆపేయడం లాంటి డిమాండ్లను అమెరికా బలంగా వినిపిస్తోంది. ఇరు వర్గాలు ఇలా మొండి పట్టుదలతో కఠిన వైఖరిని అవలంబిస్తుండటంతో ఈ శాంతి చర్చల సంక్లిష్టత మరింత పెరుగుతోంది.
ట్రంప్ గర్జన.. ఇది ఇరాన్కు చివరి అవకాశం!
ఈ హై-టెన్షన్ వాతావరణంలో అమెరికా అధ్యక్షుడు డొనాల్డ్ ట్రంప్ టెన్నెసీలో మీడియాతో మాట్లాడుతూ సంచలన వ్యాఖ్యలు చేశారు. కొంతకాలంగా ఇరాన్తో తాము చర్చలు జరుపుతున్నామని, ఈసారి మాత్రం వాళ్లు చాలా సీరియస్గా ఉన్నారని ఆయన అన్నారు. ఈ సందర్భంగా తమ సైన్యం కనబరిచిన అద్భుతమైన పనితీరుకు కృతజ్ఞతలు చెప్పుకోవాలని ట్రంప్ ప్రశంసించారు.
ఇరాన్తో ఒక ఒప్పందం కుదురుతుందని ఆశిస్తున్నామని చెప్పిన ట్రంప్.. ఏది జరిగినా సరే, ఇరాన్ చేతికి ఎప్పటికీ అణ్వాయుధం చిక్కకుండా తాము చూసుకుంటామని గర్జించారు. అమెరికాకు, తమ మిత్రదేశాలకు ఇరాన్ చేస్తున్న బెదిరింపులను అంతం చేసేందుకు ఇప్పుడు ఆ దేశానికి మరో అవకాశం లభించిందని, ఆ అవకాశాన్ని వాళ్లు సద్వినియోగం చేసుకుంటారని ఆశిస్తున్నట్లు తెలిపారు. ఏదేమైనా.. భవిష్యత్తులో అమెరికా, యావత్ ప్రపంచం మరింత సురక్షితంగా మారుతాయని, మన భూ గ్రహం మరింత స్థిరంగా ఉంటుందని ట్రంప్ ఆత్మవిశ్వాసం వ్యక్తం చేశారు.
ఒకవైపు ఇరాన్ పంతం.. మరోవైపు అమెరికా ఆధిపత్య పోరు. ఈ మైండ్ గేమ్లో చివరికి ప్రపంచాన్ని గెలిపించే శాంతి ఒప్పందం కుదురుతుందో లేదో కాలమే సమాధానం చెప్పాలి!
Also Read:
పాకిస్థాన్కు ఇరాన్ బిగ్ షాక్.. నౌకను వెనక్కి పంపిన ఐఆర్జీసీ!ఇరాన్ ముందు ట్రంప్ 15 కండిషన్లు: అమెరికా శాంతి ప్రణాళిక ఇదే!
కువైట్ ఎయిర్పోర్ట్పై డ్రోన్ల వాన.. గల్ఫ్లో భీకర యుద్ధం!
ఇరాన్-అమెరికా యుద్ధానికి ఎండ్ కార్డ్: ట్రంప్కు ఇరాన్ సర్ప్రైజ్ గిఫ్ట్!
ఇరాన్తో ఎలాంటి ఒప్పందం లేదు: నౌకల రాకపోకలపై కేంద్రం క్లారిటీ!
