బాలీవుడ్ ఫైర్ బ్రాండ్, బీజేపీ ఎంపీ కంగనా రనౌత్, వివాదాల కేరాఫ్ అడ్రస్ రాఖీ సావంత్ మధ్య సోషల్ మీడియాలో మాటల యుద్ధం తారాస్థాయికి చేరింది. ఇటీవల ఒక పాడ్కాస్ట్ షోలో మహిళా రాజకీయ నేతలను కించపరుస్తూ రాఖీ చేసిన అభ్యంతరకర వ్యాఖ్యలపై కంగనా తన ఇన్స్టాగ్రామ్ వేదికగా స్ట్రాంగ్ కౌంటర్ ఇచ్చారు. సక్సెస్ కోసం ఏమైనా ఆఫర్ చేస్తావేమో కానీ, రాఖీకి కనీసం స్వీపర్ ఉద్యోగం చేసే టాలెంట్ కూడా లేదంటూ కంగనా చేసిన ఘాటు వ్యాఖ్యలు ఇప్పుడు ఇంటర్నెట్ను షేక్ చేస్తున్నాయి.
[FEATURED_IMAGE]ఇండస్ట్రీలో ఎప్పుడూ ఏదో ఒక వివాదంతో వార్తల్లో నిలిచే డ్రామా క్వీన్ రాఖీ సావంత్, ఈసారి ఏకంగా బాలీవుడ్ క్వీన్, బీజేపీ ఎంపీ కంగనా రనౌత్ను టార్గెట్ చేసి చిక్కుల్లో పడింది. ఇటీవల 'ఎమ్కే టాక్స్' అనే పాడ్కాస్ట్ షోలో పాల్గొన్న రాఖీ.. రాజకీయాల్లో మహిళల ఎదుగుదలపై తీవ్ర అభ్యంతరకర వ్యాఖ్యలు చేసింది. కంగనా రనౌత్, స్మృతి ఇరానీ లాంటి నాయకురాళ్లు ప్రధాని మోదీకి ఏమి ఇచ్చి పదవులు దక్కించుకున్నారో, అవన్నీ తానూ ఇవ్వగలనంటూ అత్యంత చౌకబారు కామెంట్స్ చేసింది. దీంతో ఈ వ్యాఖ్యలు బాలీవుడ్ వర్గాలతో పాటు రాజకీయ వర్గాల్లోనూ తీవ్ర దుమారం రేపాయి.
రాఖీ సావంత్ చేసిన ఈ దిగజారుడు వ్యాఖ్యలపై మండిపడిన ఫైర్ బ్రాండ్ కంగనా రనౌత్.. తన ఇన్స్టాగ్రామ్ స్టోరీస్ వేదికగా కళ్లు చెదిరే కౌంటర్ ఇచ్చారు. జీవితంలో ఏ రంగంలోనూ సక్సెస్ కాలేక, తీవ్ర నిరాశలో కూరుకుపోయిన కొందరు వ్యక్తులు.. కష్టపడి పైకొచ్చిన మహిళల క్యారెక్టర్ను టార్గెట్ చేస్తారని ఆమె విమర్శించారు. తమలోని ఈగోను, అసూయను కవర్ చేసుకోవడానికే ఇలాంటి చీప్ కామెంట్స్ చేస్తారని, ఇకపై మహిళలెవరూ ఇలాంటి దాడులకు భయపడాల్సిన అవసరం లేదని కంగనా తేల్చి చెప్పారు.
అక్కడితో ఆగని కంగనా.. రాఖీ సావంత్పై పదునైన వ్యంగ్యాస్త్రాలు సంధించారు. 'సక్సెస్ కోసం నువ్వు ఏమైనా ఇస్తావేమో కానీ, నీ దగ్గర్నుంచి ఎవరికీ ఏమీ అవసరం లేదు. నువ్వు ఎన్ని ఆఫర్లు ఇచ్చినా, నీకున్న క్వాలిటీకి కనీసం ఒక స్వీపర్ ఉద్యోగం కూడా రాదు. ఎందుకంటే ఆ పని చేయడానికి కూడా కాస్త టాలెంట్ కావాలి' అంటూ రాఖీ పరువు తీసేశారు. నువ్వు ఏమీ చేయలేవు కాబట్టి ఓ మూలన కూర్చుని నా రీల్స్ చూస్తూ ఏడుస్తూ ఉండు అంటూ కంగనా ఇచ్చిన స్ట్రాంగ్ రిటార్ట్ నెట్టింట సెన్సేషనల్ గా మారింది.
తన జోలికి వస్తే ఎంతటి వారినైనా వదిలిపెట్టని కంగనా రనౌత్, మరోసారి తన మార్క్ అగ్రెసివ్ కౌంటర్తో రాఖీకి గట్టి బుద్ధి చెప్పారనే కామెంట్స్ వినిపిస్తున్నాయి. రాజకీయ నాయకులను లాగుతూ రాఖీ చేసిన ఈ వివాదం ఇప్పట్లో చల్లారేలా కనిపించడం లేదు. అయితే కంగనా ఇచ్చిన ఈ స్వీపర్ కౌంటర్పై రాఖీ సావంత్ ఎలా రియాక్ట్ అవుతుందో, ఈ వివాదం ఇంకెన్ని మలుపులు తిరుగుతుందో అని నెటిజన్లు ఆసక్తిగా ఎదురుచూస్తున్నారు.
