పుచ్చకాయ గింజలు పురుషులకు ఒక వరం లాంటివని నిపుణులు చెబుతున్నారు. ఇవి పునరుత్పత్తి సంబంధిత సమస్యలకు గొప్ప ఉపశమనాన్ని కలిగిస్తాయి. పుచ్చకాయ గింజలు తినడం వల్ల స్పెర్మ్ కౌంట్ పెరగడమే కాకుండా సంతానోత్పత్తి కూడా మెరుగుపడుతుంది. అంతేకాకుండా, వీటిలో ఉండే జింక్ స్పెర్మ్ నాణ్యతను పెంచడంలో సహాయపడుతుంది.
తక్కువ కేలరీలు - బరువు తగ్గడానికి సహాయకారి
పుచ్చకాయ గింజల్లో కేలరీలు చాలా తక్కువగా ఉంటాయి. అందువల్ల బరువు తగ్గడానికి ఇవి చాలా సహాయపడతాయి. మరోవైపు, శరీరానికి అవసరమైన రాగి, జింక్, పొటాషియం, మెగ్నీషియం మరియు ఐరన్ వంటి ముఖ్యమైన ఖనిజాలు మరియు పోషకాలు వీటిలో పుష్కలంగా ఉన్నాయి. ఇది శరీరంలో రోగనిరోధక శక్తిని పెంచడానికి కూడా సహాయపడుతుంది.
గుండె ఆరోగ్యానికి మరియు జీర్ణక్రియకు మేలు
పుచ్చకాయ గింజల్లోని మోనోఅన్‌శాచురేటెడ్ మరియు పాలీఅన్‌శాచురేటెడ్ కొవ్వు ఆమ్లాలు గుండెపోటు వచ్చే ప్రమాదాన్ని తగ్గించడంలో సహాయపడతాయి. మీరు జీర్ణ సంబంధిత సమస్యలతో బాధపడుతుంటే, పుచ్చకాయ గింజలను తీసుకోవడం మీకు చాలా ప్రయోజనకరంగా ఉంటుంది.
అధిక రక్తపోటు నియంత్రణ మరియు సహజ మల్టీవిటమిన్
పుచ్చకాయ గింజల్లో అధిక స్థాయిలో మెగ్నీషియం ఉంటుంది. ఇది అధిక రక్తపోటును తగ్గించడంలో సహాయపడుతుంది మరియు గుండె ఆరోగ్యాన్ని కాపాడుతుంది. వీటిలో ఉండే ఒమేగా-3 కొవ్వు ఆమ్లాలు, ప్రోటీన్, జింక్, ఫోలేట్, పొటాషియం మరియు రాగి ఒక సహజమైన మల్టీవిటమిన్‌గా పనిచేస్తాయి.
చర్మ సౌందర్యానికి కూడా ఉపయోగకరం
పుచ్చకాయ గింజలను మెత్తగా గ్రైండ్ చేసి ముఖానికి రాసుకోవడం వల్ల మీ చర్మం మెరుస్తూ ఉండటమే కాకుండా బ్లాక్ హెడ్స్ కూడా తొలగిపోతాయి. ఇది మీ ముఖానికి సహజమైన మెరుపును అందిస్తుంది.
పుచ్చకాయ గింజలను నిల్వ చేయడం ఎలా?
పుచ్చకాయ గింజలను ఎండలో బాగా ఆరబెట్టాలి. తర్వాత కొద్దిగా వేయిస్తే వాటిపై ఉండే తొక్క సులభంగా వచ్చేస్తుంది. ఆ తర్వాత వాటిని ఒక డబ్బాలో నిల్వ చేసుకోవచ్చు.
0 కామెంట్‌లు