టాలీవుడ్‌లో తన అందం, గ్లామర్‌తో దూసుకుపోతున్న హీరోయిన్ కేతిక శర్మ. ఆకాష్ పూరి సరసన 'రొమాంటిక్' సినిమాతో టాలీవుడ్‌కు పరిచయమైన ఈ బ్యూటీ, తొలి సినిమాతోనే యూత్‌ను ఆకట్టుకుంది. ఆ తర్వాత కొన్ని సినిమాల్లో నటించినప్పటికీ, అవి బాక్సాఫీస్ వద్ద పెద్దగా విజయం సాధించలేదు. పవన్ కళ్యాణ్, సాయి ధరమ్ తేజ్ నటించిన 'బ్రో' సినిమాలోనూ మెరిసింది.
'సింగిల్' సినిమాలో డిఫరెంట్ రోల్
ప్రస్తుతం కేతిక శర్మ శ్రీవిష్ణు హీరోగా నటిస్తున్న 'సింగిల్' సినిమాలో హీరోయిన్‌గా కనిపించనుంది. ఈ కామెడీ ఎంటర్‌టైనర్ త్వరలోనే ప్రేక్షకుల ముందుకు రానుంది. ఈ సినిమాలో మరో హీరోయిన్‌గా ఇవానా కూడా నటిస్తోంది. తాజాగా ఈ సినిమా ప్రమోషన్స్‌లో భాగంగా కేతిక శర్మ తన పాత్ర గురించి ఆసక్తికరమైన విషయాలు పంచుకుంది. 'సింగిల్' సినిమాలో తన పాత్ర చాలా భిన్నంగా ఉంటుందని, కామెడీ పండించడం చాలా కష్టమని, ముఖ్యంగా శ్రీవిష్ణు కామెడీ టైమింగ్‌కు తగ్గట్టు నటించడం మరింత ఛాలెంజింగ్‌గా ఉందని తెలిపింది. ఇంటర్వెల్ సీన్‌లో ప్రేక్షకులు కడుపుబ్బా నవ్వుకుంటారని, దర్శకుడు ఆ సన్నివేశాలను చాలా హాస్యభరితంగా రాశారని ఆమె చెప్పింది.
'రాబిన్ హుడ్' సాంగ్ వివాదంపై స్పందన
ఇటీవల 'రాబిన్ హుడ్' సినిమాలో చేసిన స్పెషల్ సాంగ్ గురించి మాట్లాడుతూ, ఆ పాటకు ప్రేక్షకుల నుంచి మంచి స్పందన వచ్చిందని తెలిపింది. అయితే ఆ పాటలోని స్టెప్పుల వల్ల వచ్చిన వివాదం గురించి మాట్లాడుతూ, దాని వల్ల తాను ఒక విషయం నేర్చుకున్నానని, ఇకపై డ్యాన్స్ విషయంలో, ముఖ్యంగా స్టెప్పుల విషయంలో మరింత జాగ్రత్తగా ఉంటానని కేతిక స్పష్టం చేసింది. ఆమె చేసిన ఈ వ్యాఖ్యలు ప్రస్తుతం సోషల్ మీడియాలో వైరల్ అవుతున్నాయి.
