దృఢమైన, చక్కటి ఆకృతిలో శరీరాన్ని పొందాలంటే డైటింగ్, వర్కవుట్స్ రెండూ ముఖ్యమని చాలామంది భావిస్తారు. అయితే, ఉపవాసాలు, కఠినమైన వ్యాయామాలు చేయకుండానే శరీరం బరువును తగ్గించుకోవడంలో అద్భుతమైన ఫలితాలు సాధించవచ్చని ఫిట్‌నెస్ నిపుణులు అంటున్నారు. ముఖ్యంగా, నెమ్మదిగా తినడం వల్ల అద్భుతమైన ప్రయోజనాలు ఉంటాయి.
ఆహారాన్ని నెమ్మదిగా తినడం వల్ల ప్రయోజనాలు
ఆహారాన్ని బాగా నమలండి: బరువు తగ్గించుకోవాలంటే ముందుగా ఆహారాన్ని బాగా నమిలి తినడం అలవాటు చేసుకోవాలి. ఆహారాన్ని బాగా నమలడానికి ఎక్కువ సమయం పడుతుంది, దాంతో మీరు ఆహారాన్ని నెమ్మదిగా తింటారు. అంతేకాదు, కడుపు నిండా తిన్న సంతృప్తి కూడా కలుగుతుంది. ఫలితంగా, మీరు ఎక్కువగా తినకుండా ఉంటారు.
తక్కువ తినండి:
మీరు ఎంత తింటున్నారు అనేది కూడా చాలా ముఖ్యం. డైటింగ్ చేయకపోయినా, చిన్న ప్లేట్‌లో తినే తిండిని ఎక్కువగా తిన్నామన్న భావన కలిగి, తినే పరిమాణం తక్కువవుతుంది.
నీళ్లు తాగండి:
భోజనం చేయడానికి ముందు ఎక్కువగా నీళ్లు తాగాలి. దీంతో మీరు తక్కువ తినగానే పొట్ట నిండుగా అనిపిస్తుంది.
నెమ్మదిగా ఆహారం తీసుకోవడం వల్ల మన శరీరం బరువు తగ్గించుకోవడంతో పాటు అనేక ప్రయోజనాలు ఉన్నాయి:
మెరుగైన జీర్ణక్రియ:
నెమ్మదిగా తినడం వల్ల మంచి జీర్ణక్రియ సాధ్యమవుతుంది. శరీరం ద్వారా పోషకాలను గ్రహించడం కూడా గరిష్టంగా ఉంటుంది.
మానసిక ప్రశాంతత:
ఆహారాన్ని నమలడం, ఆహార సంతృప్తి పెరగడం ద్వారా ప్రశాంతమైన, సంతోషకరమైన మనసును పొందవచ్చు. ఇది తక్కువ స్థాయి ఒత్తిడిని సాధించడానికి నేరుగా దోహదపడుతుంది.
బరువు తగ్గడాన్ని ప్రోత్సహిస్తుంది:
నెమ్మదిగా తినడం వల్ల ఆహారాన్ని మరింత నమలడం అవసరం అవుతుంది. ఇది జీర్ణక్రియను మెరుగుపరిచి, శరీర బరువు తగ్గడానికి సహాయపడుతుంది.
ఆహారాన్ని ఆస్వాదించండి:
నెమ్మదిగా తినడం వల్ల ఆహారాన్ని పూర్తి స్థాయిలో ఆస్వాదించడానికి వీలుంటుంది. కేవలం తినడం మాత్రమే కాకుండా, దాని రుచి, వాసన, ఆకృతిని గుర్తించి అభినందించడం వల్ల మరింత సంతృప్తి లభిస్తుంది.
కేలరీల నియంత్రణ:
నెమ్మదిగా తినేటప్పుడు దంతాలతో నమలడం మెరుగుపడుతుంది. ఇది కేలరీల వినియోగాన్ని నియంత్రించడానికి, తగ్గించడానికి సహాయపడుతుంది, తద్వారా శరీరం బరువు తగ్గడాన్ని ప్రోత్సహిస్తుంది.
ఇతర ముఖ్యమైన అంశాలు
ఒత్తిడిని తగ్గించుకోండి:
ఒత్తిడి, ఉద్వేగంగా ఉన్నప్పుడు చాలా మంది ఎక్కువగా తినేస్తారు. ఒత్తిడిగా ఉన్న సమయంలో ఎక్కువగా విడుదలయ్యే కార్టిసాల్ హార్మోన్ ఆకలిని ఎక్కువగా పెంచుతుంది. ఒత్తిడిని తగ్గించుకోవడం బరువు తగ్గడంలో సహాయపడుతుంది.
తగినంత నిద్ర:
బరువు పెరగడానికి నిద్రలేమి కూడా ఒక కారణం అని తేలింది. తగినంత నిద్ర లేకపోవడం వల్ల హార్మోన్ల విడుదలలో అసమతుల్యత ఏర్పడి ఊబకాయం సమస్య వస్తుంది. కాబట్టి, కంటినిండా నిద్రపోవడం అలవర్చుకోవాలి.
