గుజరాత్‌లోని అహ్మదాబాద్‌లో ఓ నగల దుకాణంలో జరిగిన దోపిడీ యత్నం బెడిసికొట్టింది. యజమాని కళ్లలో కారం చల్లి దొంగతనం చేద్దామనుకున్న ఓ మహిళ ప్లాన్ రివర్స్ అయింది. యజమాని అప్రమత్తమవడమే కాకుండా, ఆమెను పట్టుకుని చితకబాదాడు.
ఈ ఘటనకు సంబంధించిన సీసీటీవీ వీడియో ఇప్పుడు సోషల్ మీడియాలో వైరల్‌గా మారింది.
ఒంటరిగా ఉన్న యజమాని.. మహిళ ప్లాన్
వివరాల్లోకి వెళితే, అహ్మదాబాద్‌లోని రాణిప్‌ ప్రాంతంలో సోని అనే వ్యక్తికి చెందిన బంగారం దుకాణం ఉంది. ఓ రోజు అతను షాపులో ఒంటరిగా ఉన్నాడు.
ఆ సమయంలో ఓ మహిళ కస్టమర్‌లా లోపలికి వచ్చింది. దుకాణంలో యజమాని తప్ప మరెవరూ లేకపోవడాన్ని గమనించిన ఆమె, చోరీకి ఇదే సరైన సమయమని భావించింది.
కళ్లలో కారం చల్లేందుకు యత్నం
వెంటనే ఆ మహిళ తనతో తెచ్చుకున్న కారాన్ని తీసి యజమాని సోని కళ్లలో కొట్టేందుకు ప్రయత్నించింది.
క్షణాల్లో అప్రమత్తం.. రివర్స్ అటాక్!
ఆమె చర్యను క్షణాల్లో పసిగట్టిన సోని, వెంటనే ముఖం పక్కకు తిప్పుకోవడంతో పెను ప్రమాదం తప్పింది.
వెంటనే తేరుకున్న అతను, ఆ మహిళను గట్టిగా పట్టుకుని చితకబాదాడు. ఆ తర్వాత ఆమెను దుకాణం నుంచి బయటకు లాక్కెళ్లిపోయాడు.
సీసీటీవీలో రికార్డ్ అయిన దృశ్యాలు
ఈ ఘటన మొత్తం షాపులోని సీసీటీవీ కెమెరాలో స్పష్టంగా రికార్డ్ అయింది. యజమాని అప్రమత్తంగా లేకపోతే, షాపులో భారీ దొంగతనం జరిగి ఉండేది.
ఈ వైరల్ వీడియో ఆధారంగా రాణిప్‌ పోలీసులు కేసు నమోదు చేశారు. సీసీటీవీ ఫుటేజీని పరిశీలించి, నిందితురాలి కోసం దర్యాప్తు ప్రారంభించినట్లు అధికారులు తెలిపారు.
મહિલાએ આંખમાં મરચું નાખ્યું, સોનીએ 25 સેકન્ડમાં 20 લાફા ઝીંક્યા, જુઓ CCTV#ahmedabadnews #ranip #ranipgoldstore #robbery #viralvideo #viralnews #ahmedabadcrime pic.twitter.com/ddwXUjWPFU
— Dinesh Chaudhary (@DineshNews_) November 6, 2025
