బంగారం కొనాలనుకుంటున్నారా? అయితే ఈ రేట్లు చూస్తే కళ్లు బైర్లు కమ్మడం ఖాయం. ఒక్కరోజే వెండి ధర ఏకంగా రూ. 9,000 పెరిగి సామాన్యులకు ఊహించని షాక్ ఇచ్చింది!
బంగారం, వెండి ధరలు పగ్గాలు లేకుండా పెరిగిపోతున్నాయి. ఈరోజు (నవంబర్ 29) మార్కెట్‌లో పసిడి, వెండి ధరలు అమాంతం పెరిగి ఆల్-టైమ్ రికార్డులకు చేరువయ్యాయి. ముఖ్యంగా పండుగలు, శుభకార్యాల వేళ ఈ ధరల మోత సామాన్యులకు పెను భారంగా మారింది.
హైదరాబాద్‌లో తులం బంగారం ఎంతంటే..
హైదరాబాద్ మార్కెట్‌లో ఈ ఉదయం బంగారం ధరలు భారీగా పెరిగాయి. తాజా ధరల వివరాలు ఇలా ఉన్నాయి:
24 క్యారెట్ల బంగారం (10 గ్రాములు): రూ. 1,360 పెరిగి, ఏకంగా రూ. 1,29,820కి చేరింది.
22 క్యారెట్ల బంగారం (10 గ్రాములు): రూ. 1,250 పెరిగి, రూ. 1,19,000గా నమోదైంది.
వెండి షాక్.. ఒక్కరోజే రూ. 9,000 జంప్!
అయితే, బంగారం కంటే వెండి ధరల పరుగు చూస్తే గుండె ఆగిపోయేలా ఉంది. హైదరాబాద్‌లో కిలో వెండిపై ఒక్కరోజే ఏకంగా రూ. 9,000 పెరగడం సంచలనంగా మారింది. ఈ భారీ జంప్‌తో కిలో వెండి ధర రికార్డు స్థాయిలో రూ. 1,92,000కు చేరింది. ప్రస్తుత జోరు చూస్తుంటే, త్వరలోనే వెండి రూ. 2 లక్షల మార్కును దాటేసినా ఆశ్చర్యం లేదని మార్కెట్ నిపుణులు హెచ్చరిస్తున్నారు.
