"నన్ను వదిన అని పిలవద్దు.." అంటూ పబ్లిక్ ఈవెంట్‌లో ఆ స్టార్ కొరియోగ్రాఫర్‌పై రేణు దేశాయ్ సీరియస్ అయ్యారు! పవన్ కళ్యాణ్ మాజీ భార్య చేసిన ఈ కామెంట్స్ ఇప్పుడు సోషల్ మీడియాలో తెగ వైరల్ అవుతున్నాయి.
పవన్ కళ్యాణ్‌తో విడాకుల తర్వాత సినీ జీవితానికి దూరంగా, పిల్లలు అకీరా, ఆద్యలే లోకంగా బతుకుతున్న రేణు దేశాయ్ (Renu Desai), చాలా కాలం తర్వాత మళ్లీ ముఖానికి రంగేసుకుంటున్నారు. ఎన్జీవో పనులు, ఆధ్యాత్మిక చింతనతో గడుపుతున్న ఆమె, లాంగ్ గ్యాప్ తర్వాత ఓ సినిమాకు గ్రీన్ సిగ్నల్ ఇచ్చారు. 'పదహారు రోజుల పండుగ' అనే సినిమాలో ఆమె నటిస్తున్నట్లు అధికారికంగా ప్రకటించారు.
సినిమా విశేషాలు ఇవే:
టైటిల్: పదహారు రోజుల పండుగ
దర్శకత్వం: సాయి కిరణ్ అడవి
కీలక నటులు: అనసూయ భరద్వాజ్, వెన్నెల కిషోర్, కృష్ణుడు, సాయికృష్ణ దమ్మాలపాటి.
నిర్మాణం: ప్రదా పిక్చర్స్, సాయి సినీ బ్యానర్.
అయితే, ఇటీవల జరిగిన ఈ సినిమా ఓపెనింగ్ కార్యక్రమంలో ఓ ఆసక్తికర సంఘటన చోటుచేసుకుంది. ఈ ఈవెంట్‌కు వచ్చిన ప్రముఖ కొరియోగ్రాఫర్ జానీ మాస్టర్ (Jani Master), రేణు దేశాయ్‌ను చూడగానే చనువుగా "వదిన" అని పిలిచారు. దీనికి రేణు దేశాయ్ వెంటనే సీరియస్ అయ్యారు. "నీకు ఎన్నిసార్లు చెప్పాలి వదిన అని పిలవద్దు, అక్క అని పిలువు" అని అక్కడికక్కడే గట్టిగా మందలించారు.
దీంతో జానీ మాస్టర్ ఒక్కసారిగా సైలెంట్ అయిపోయి, నమస్కారం చేసి పక్కనే ఉన్న అనసూయ భరద్వాజ్‌ను పలకరించి కవర్ చేసుకున్నారు. ప్రస్తుతం ఈ వీడియో సోషల్ మీడియాలో వైరల్ అవుతుండగా, రేణు దేశాయ్ రియాక్షన్‌పై నెటిజన్లు రకరకాలుగా స్పందిస్తున్నారు.
