IPL 2026: ఐపీఎల్ వేదికపై రామ్ చరణ్ 'పెద్ది' ఫీవర్.. సీఎస్కే ఈవెంట్లో రెహమాన్ లైవ్ పెర్ఫార్మెన్స్!
క్రికెట్ అభిమానులు ఎంతగానో ఎదురుచూస్తున్న ఇండియన్ ప్రీమియర్ లీగ్ (IPL) 2026 సీజన్ మరికొద్ది రోజుల్లోనే అట్టహాసంగా ప్రారంభం కాబోతోంది. మార్చి 28న బెంగళూరులోని చిన్నస్వామి స్టేడియం వేదికగా డిఫెండింగ్ ఛాంపియన్స్ రాయల్ ఛాలెంజర్స్ బెంగళూరు (RCB), మన సన్రైజర్స్ హైదరాబాద్ (SRH) మధ్య జరిగే తొలి మ్యాచ్తో ఈ మెగా టోర్నీకి అధికారికంగా తెరలేవనుంది. అయితే, ఈ అసలు సమరానికి ముందే చెన్నై సూపర్ కింగ్స్ (CSK) ఫ్రాంచైజీ తమ అభిమానుల కోసం ఒక అదిరిపోయే సర్ప్రైజ్ను సిద్ధం చేసింది.
మార్చి 22న చెపాక్లో మెగా ఈవెంట్
ఐపీఎల్ ప్రారంభానికి ముందే, మార్చి 22న చెన్నైలోని ఎంఏ చిదంబరం స్టేడియంలో (చెపాక్) చెన్నై సూపర్ కింగ్స్ యాజమాన్యం ఒక మెగా ఈవెంట్ను నిర్వహించబోతోంది. ఈ ప్రతిష్టాత్మక వేడుకలో ఆస్కార్ విజేత, సంగీత మాంత్రికుడు ఏఆర్ రెహమాన్ (AR Rahman) లైవ్ పెర్ఫార్మెన్స్ ఇవ్వనుండటం ఇప్పుడు క్రీడా, సినీ వర్గాల్లో సర్వత్రా ఆసక్తి రేపుతోంది.
ఐపీఎల్ వేదికపై 'పెద్ది' పాటల రచ్చ
ఈ లైవ్ కాన్సర్ట్లో ఏఆర్ రెహమాన్ తన ఎవర్ గ్రీన్ క్లాసిక్ హిట్ సాంగ్స్తో పాటు, మెగా పవర్ స్టార్ రామ్ చరణ్ నటిస్తున్న తాజా స్పోర్ట్స్ డ్రామా ‘పెద్ది’ చిత్రంలోని సాంగ్స్ను కూడా పర్ఫామ్ చేయబోతున్నట్లు గట్టిగా వార్తలు వినిపిస్తున్నాయి. బుచ్చిబాబు సానా దర్శకత్వంలో తెరకెక్కుతున్న ఈ సినిమాకు ఏఆర్ రెహమాన్ సంగీతం అందిస్తున్న విషయం తెలిసిందే.
ఇప్పటికే రిలీజైన 'చికిరి చికిరి', 'రై రై రారా' లాంటి మాస్ సాంగ్స్ సెన్సేషన్ క్రియేట్ చేయడమే కాకుండా.. ఐపీఎల్ టీమ్స్ క్యాంపుల్లో, నెట్ ప్రాక్టీస్ సెషన్స్లో సైతం ప్లే అవుతూ రచ్చ చేస్తున్నాయి.
రాబోయే ఏప్రిల్ 30న ఈ సినిమా ప్రపంచవ్యాప్తంగా గ్రాండ్గా విడుదల కానుంది.
ఇప్పుడు ఐపీఎల్ లాంటి అతిపెద్ద పాన్ ఇండియా వేదికపై ఏఆర్ రెహమాన్ స్వయంగా 'పెద్ది' సాంగ్స్ను ఆలపిస్తే.. సినిమాకు దేశవ్యాప్తంగా అమాంతం క్రేజ్ పెరగడం ఖాయమని మెగా అభిమానులు అంచనా వేస్తున్నారు.
ఏదేమైనా, ఈ క్రీడా వేదిక కలయికతో చరణ్ 'పెద్ది' సినిమాపై రోజురోజుకూ అంచనాలు స్కై రేంజ్కు చేరుకుంటున్నాయి.
Also Read:
రోజూ గుడ్డు తింటే గుండెకు ముప్పా? నిపుణుల నిజాలివేరోజూ చికెన్ తింటే కండలు తిరుగుతాయా? లేక సమస్యలు కొనితెచ్చుకున్నట్టేనా? నిపుణులు ఏమంటున్నారంటే..
భారత్ను వణికిస్తున్న మౌన మహమ్మారి.. 20 కోట్ల మంది టార్గెట్! షుగర్ క్యాపిటల్ గా మారుతున్నామా?
ఇంటర్మిటెంట్ ఫాస్టింగ్: లాభాలా? నష్టాలా? నిజాలివే!
