Megastar Chiranjeevi: సూర్య స్ఫూర్తితో.. పేద విద్యార్థులకు మెగాస్టార్ 'ఉచిత విద్య' అండ!
వెండితెరపైనే కాదు, నిజజీవితంలోనూ తాను ‘అందరివాడు’ అని మెగాస్టార్ చిరంజీవి మరోసారి నిరూపించుకున్నారు. దశాబ్దాలుగా బ్లడ్ బ్యాంక్, ఐ బ్యాంక్ ద్వారా లక్షలాది మందికి ప్రాణదాతగా నిలిచిన ఆయన, ఇప్పుడు పేదరికంపై అక్షర సాయంతో పోరాడేందుకు సిద్ధమయ్యారు. నేడు ఉగాది పర్వదినం సందర్భంగా చిరంజీవి తన తదుపరి సేవా కార్యక్రమం ‘ఉచిత విద్యా ప్రాజెక్ట్’ పై ఇచ్చిన అధికారిక ప్రకటన ఇప్పుడు రెండు తెలుగు రాష్ట్రాల్లో హాట్ టాపిక్గా మారింది.
సూర్య అగరం ఫౌండేషన్ స్ఫూర్తితో..
తాజాగా ఒక వార్తా ఛానల్కి ఇచ్చిన ప్రత్యేక ఇంటర్వ్యూలో మెగాస్టార్ పలు ఆసక్తికరమైన విషయాలను పంచుకున్నారు. తాను రక్తదానాన్నే శ్వాసగా మార్చుకున్న తరుణంలో.. తనను స్ఫూర్తిగా తీసుకుని తమిళ నటుడు సూర్య ‘అగరం ఫౌండేషన్’ను ప్రారంభించారని ఆయన గుర్తుచేసుకున్నారు. ఆ ఫౌండేషన్ ద్వారా సూర్య వందలాది మంది పేద విద్యార్థులను చదివిస్తున్నారని, ఇప్పుడు అదే సూర్య నుంచి తాను స్ఫూర్తి పొందుతున్నానని చిరంజీవి సగర్వంగా ప్రకటించారు. పేద ప్రజలకు నాణ్యమైన విద్యను ఉచితంగా అందించే మహాత్కార్యం దిశగా అడుగులు వేస్తున్నట్లు ఆయన స్పష్టం చేశారు.
ఈ ఉచిత విద్యా కార్యక్రమం కేవలం తెలుగు రాష్ట్రాలకే పరిమితం కాకుండా, ఎక్కడ అవసరముంటే అక్కడ అండగా నిలవాలని చిరంజీవి సంకల్పించారు. రక్తదానం ప్రాణాలను కాపాడితే, విద్య ఒక తరం భవిష్యత్తునే మారుస్తుందని మెగాస్టార్ బలంగా నమ్ముతున్నారు. ఈ ప్రాజెక్ట్ రూపకల్పన, విధివిధానాల గురించి త్వరలోనే అధికారికంగా ప్రకటించనున్నారు.
మరోవైపు మెగాస్టార్ అధికారిక టీమ్ సైతం ఎక్స్ (ట్విట్టర్) వేదికగా ఈ విషయాన్ని ధ్రువీకరించింది. "సినిమాలకు అతీతంగా, సమాజం కోసం కొట్టుకునే హృదయం ఆయనది. ఈ ఉగాది సందర్భంగా.. అణగారిన వర్గాలకు ఉచిత విద్యను అందించడమే తన తదుపరి లక్ష్యమని మెగాస్టార్ ప్రకటించారు. సమాజానికి తిరిగి ఇవ్వడం ద్వారా ఆయన ఎందరికో స్ఫూర్తిగా నిలుస్తున్నారు" అంటూ చిరంజీవి టీమ్ ట్వీట్ చేసింది. వేలాది మంది పేద విద్యార్థుల జీవితాల్లో వెలుగులు నింపే ఈ నిర్ణయం పట్ల సర్వత్రా ప్రశంసలు వెల్లువెత్తుతున్నాయి.
Beyond cinema, a heart that beats for society ❤️
— Team Megastar (@MegaStaroffl) March 19, 2026
On this Ugadi, Megastar Chiranjeevi garu announced that his next noble initiative will be
“to provide free education to the underprivileged.”
A true Megastar who continues to inspire by giving back to society 🙏#Chiranjeevi… pic.twitter.com/p2DLI1JiH8
Also Read:
Dhurandhar 2 Records: పుష్ప 2 రికార్డు బ్రేక్Ustaad Bhagat Singh Review: ఉస్తాద్ భగత్ సింగ్ రివ్యూ, రేటింగ్
Dhurandhar 2: ఇంటర్నేషనల్ స్వాగ్.. రణవీర్ సింగ్ 'ధురంధర్ 2'పై అల్లు అర్జున్ సూపర్ రివ్యూ!
Dhurandhar 2 Movie Review: 4 గంటల నిడివి ఎంగేజ్ చేసిందా? రణవీర్ సింగ్ మూవీ రివ్యూ, రేటింగ్
Naveen Yerneni Speech: ఉస్తాద్ భగత్ సింగ్ రిజల్ట్ పై మైత్రీ నిర్మాత కామెంట్స్
