Dhurandhar 2 Records: పుష్ప-2 రికార్డు బ్రేక్.. 'బుక్ మై షో'లో రణవీర్ సింగ్ మాస్ జాతర!
బాలీవుడ్ స్టార్ హీరో రణవీర్ సింగ్ నటించిన లేటెస్ట్ యాక్షన్ థ్రిల్లర్ ‘ధురంధర్ 2: ది రివెంజ్’ బాక్సాఫీస్ వద్ద పెను సంచలనం సృష్టిస్తోంది. బుధవారం సాయంత్రం వేసిన స్పెషల్ షోలతోనే ఈ సినిమా యునానిమస్గా సూపర్ హిట్ టాక్ తెచ్చుకుంది. అటు ఓవర్సీస్లో సైతం బ్లాక్ బస్టర్ టాక్తో సంచలనాలు నమోదు చేస్తోంది. ఈ క్రమంలోనే ఈ యాక్షన్ ఫిల్మ్ ప్రీమియర్స్ నుంచే రికార్డుల వేట మొదలుపెట్టింది. ముఖ్యంగా ప్రముఖ ఆన్లైన్ టికెట్ బుకింగ్ ప్లాట్ఫారమ్ ‘బుక్ మై షో’ (BookMyShow)లో ఈ చిత్రం సరికొత్త రికార్డులను నెలకొల్పుతోంది.
బద్దలైన పుష్ప 2 రికార్డ్
తాజా సమాచారం ప్రకారం, ‘ధురంధర్ 2’ చిత్రం గంటల వారీ ట్రెండ్స్లో (Hourly Bookings) ఊహించని స్థాయిలో బుకింగ్స్ రాబడుతోంది. ఒక గంట వ్యవధిలో ఏకంగా 109.17K బుకింగ్స్ నమోదు చేసి.. ఐకాన్ స్టార్ అల్లు అర్జున్ నటించిన పాన్ ఇండియా సెన్సేషన్ ‘పుష్ప: ది రూల్’ నెలకొల్పిన 107.65K రికార్డును సైతం ఇది అవలీలగా అధిగమించింది. సినిమాపై ఉన్న విపరీతమైన అంచనాలు, బ్లాక్ బస్టర్ టాక్ తో ప్రేక్షకులు థియేటర్లకు పోటెత్తుతుండటంతో టికెట్లు హాట్ కేకుల్లా అమ్ముడవుతున్నాయి.
అడ్డంకులున్నా తగ్గని క్రేజ్
కంటెంట్ డెలివరీలో తలెత్తిన సాంకేతిక ఇబ్బందుల వల్ల తెలుగు, తమిళ వెర్షన్ షోలు రద్దు కావడం కొంత ప్రతికూలతను సృష్టించినా.. రణవీర్ సింగ్ క్రేజ్ ముందు అవేవీ అడ్డుకాలేవని ఈ బుకింగ్ ట్రెండ్స్ నిరూపిస్తున్నాయి. నిజానికి, సకాలంలో కంటెంట్ అందకపోవడం వల్ల సౌత్ రాష్ట్రాల్లో ఈ చిత్రం తన పూర్తి స్థాయి వసూళ్లను సాధించే అవకాశాన్ని కొంతవరకు కోల్పోయింది. ఒకవేళ మొదటి రోజు నుండే అన్ని వెర్షన్లలో ఎలాంటి ఆటంకాలు లేకుండా భారీగా విడుదలై ఉంటే ఈ రికార్డుల మోత మరింత గట్టిగా ఉండేదని సినీ విశ్లేషకులు అభిప్రాయపడుతున్నారు. ఏది ఏమైనా ‘ధురంధర్ 2’ ఇంతటి మాసివ్ క్రేజ్ను సొంతం చేసుకోవడం ఇప్పుడు సినీ వర్గాల్లో హాట్ టాపిక్గా మారింది.
Also Read:
Ustaad Bhagat Singh Review: ఉస్తాద్ భగత్ సింగ్ రివ్యూ, రేటింగ్Dhurandhar 2: ఇంటర్నేషనల్ స్వాగ్.. రణవీర్ సింగ్ 'ధురంధర్ 2'పై అల్లు అర్జున్ సూపర్ రివ్యూ!
Dhurandhar 2 Movie Review: 4 గంటల నిడివి ఎంగేజ్ చేసిందా? రణవీర్ సింగ్ మూవీ రివ్యూ, రేటింగ్
Naveen Yerneni Speech: ఉస్తాద్ భగత్ సింగ్ రిజల్ట్ పై మైత్రీ నిర్మాత కామెంట్స్
Ustaad Bhagat Singh Release: ఉగాదికి వస్తున్న పవన్ కళ్యాణ్.. ధురంధర్ తో పోటీపై డైరెక్టర్ కామెంట్స్
Ustaad Bhagat Singh: డైరెక్టర్, హీరోయిన్లకు అగ్నిపరీక్షే
RGV Twitter Review: స్పీల్ బర్గ్, నోలన్ పనులన్నీ మానేసి ధురంధర్ 2 సినిమా చూడాల్సిందే.. ఆర్జీవీ సంచలన ట్వీట్
