Ustaad Bhagat Singh: ఐదుసార్లు సినిమా చూశా.. 'ఉస్తాద్' పై నిర్మాత నవీన్ యెర్నేని ఆసక్తికర వ్యాఖ్యలు!
పవర్ స్టార్ పవన్ కళ్యాణ్ నటించిన మోస్ట్ అవేటెడ్ మూవీ ‘ఉస్తాద్ భగత్ సింగ్’ రేపు (ఉగాది పర్వదినం సందర్భంగా) ప్రపంచవ్యాప్తంగా అత్యంత భారీ స్థాయిలో థియేటర్లలోకి రాబోతోంది. ఈ సినిమా విడుదలను పురస్కరించుకుని నిర్వహించిన ప్రీ-రిలీజ్ ప్రెస్ మీట్లో మైత్రీ మూవీ మేకర్స్ అధినేత, నిర్మాత నవీన్ యెర్నేని పాల్గొన్నారు. ఈ సందర్భంగా ఆయన సినిమా అవుట్పుట్ పై, డైరెక్టర్ హరీష్ శంకర్ పనితీరుపై పలు ఆసక్తికరమైన విషయాలను పంచుకున్నారు. తమ సంస్థలో పవన్ కళ్యాణ్తో ఒక సినిమా చేయాలన్నది ఒక కల అని ఆయన సగర్వంగా చెప్పుకొచ్చారు.
పవన్ డేట్స్.. హరీష్ శంకర్ ప్లానింగ్
తమ బ్యానర్లో పవన్ కళ్యాణ్ గారితో ఒక ప్రాజెక్ట్ చేయాలని గత ఐదారు ఏళ్లుగా ఎంతో తీవ్రంగా ప్రయత్నిస్తున్నామని నవీన్ యెర్నేని గుర్తుచేసుకున్నారు. మధ్యలో కోవిడ్ రావడం, పవన్ కళ్యాణ్ తన రాజకీయ వ్యవహారాలతో బిజీగా ఉండటం వల్ల ఈ ప్రాజెక్ట్ చాలా ఆలస్యమైందని తెలిపారు. ఎట్టకేలకు గతేడాది జూన్లో షూటింగ్ ప్రారంభించి, ఇప్పుడు ప్రేక్షకుల ముందుకు తీసుకొస్తున్నామన్నారు. పవన్ కళ్యాణ్ అటు అమరావతిలో రాజకీయ కార్యక్రమాలు చూసుకుంటూనే, ఇటు సినిమా షూటింగ్ల మధ్య బిజీగా ఉన్నప్పటికీ.. దర్శకుడు హరీష్ శంకర్ ఎంతో చాకచక్యంగా షూటింగ్ షెడ్యూల్స్ ప్లాన్ చేశారని ప్రశంసించారు. సినిమా షూటింగ్ అంతా ఎక్కడా ఏ చిన్న ఇబ్బంది లేకుండా ఒక పిక్నిక్ లాగా సాగిపోయిందని, ప్రతి దర్శకుడు హరీష్ లాగా పక్కా ప్లానింగ్తో ఉంటే ఏటా పది సినిమాలు ఎలాంటి టెన్షన్ లేకుండా నిర్మించవచ్చని నవీన్ కితాబిచ్చారు.
ఉగాదికి పక్కా ఫ్యామిలీ ఎంటర్టైనర్
సినిమా ఫైనల్ అవుట్పుట్ పట్ల నిర్మాత నవీన్ యెర్నేని ఎంతో ధీమా వ్యక్తం చేశారు. తాను ఇప్పటికే ఈ సినిమాను ఐదుసార్లు చూశానని, ఎన్నిసార్లు చూసినా అదే ఫ్రెష్ ఫీలింగ్ కలుగుతోందని ఆయన ఆనందం వ్యక్తం చేశారు. సినిమాలో యాక్షన్, ఎమోషన్, ఎంటర్టైన్మెంట్ అన్నీ సమపాళ్లలో కుదిరాయని వెల్లడించారు. ‘ఉస్తాద్ భగత్ సింగ్’ కేవలం ఒక మాస్ కమర్షియల్ మూవీ మాత్రమే కాదని, ఫ్యామిలీ అంతా కలిసి చూసేలా ఒక మంచి ఎంటర్టైనర్గా హరీష్ శంకర్ మలిచారని చెప్పారు. రేపు ఉగాది పర్వదినం సందర్భంగా ప్రేక్షకులందరూ థియేటర్లకు వెళ్లి ఈ సినిమాను ఫుల్ గా ఎంజాయ్ చేయాలని ఆయన ఆకాంక్షించారు.
Also Read:
Ustaad Bhagat Singh Release: ఉగాదికి వస్తున్న పవన్ కళ్యాణ్.. ధురంధర్ తో పోటీపై డైరెక్టర్ కామెంట్స్Ustaad Bhagat Singh: డైరెక్టర్, హీరోయిన్లకు అగ్నిపరీక్షే
RGV Twitter Review: స్పీల్ బర్గ్, నోలన్ పనులన్నీ మానేసి ధురంధర్ 2 సినిమా చూడాల్సిందే.. ఆర్జీవీ సంచలన ట్వీట్
Dhurandhar 2 Advance Bookings: 3 వేల టికెట్, ఫస్ట్ డే 250 కోట్లు!
Ram Charan Peddi Movie Updates: పెద్ది ఐటమ్ భామ ఎవరంటే?
