Ram Charan Peddi: 'పెద్ది' ఐటమ్ భామ ఎవరంటే? ఏప్రిల్ 30న బాక్సాఫీస్ వద్ద రామ్ చరణ్కు మెగా క్లాష్!
'ఆర్ఆర్ఆర్' (RRR) సినిమాతో గ్లోబల్ స్టార్గా ఎదిగిన మెగా పవర్ స్టార్ రామ్ చరణ్ ఇమేజ్ను దర్శకుడు శంకర్ తన 'గేమ్ ఛేంజర్' రిజల్ట్తో డ్యామేజ్ చేశాడన్నది సుస్పష్టం. మూడేళ్ల పాటు చెక్కిన ఆ భారీ ప్రాజెక్ట్ బాక్సాఫీస్ వద్ద డిజాస్టర్గా మారడంతో, మెగా అభిమానుల ఆశలన్నీ ఇప్పుడు చరణ్ తాజా చిత్రం 'పెద్ది' పైనే ఉన్నాయి. కేవలం ఒకే ఒక సినిమా (ఉప్పెన) అనుభవం ఉన్న బుచ్చిబాబుకు చరణ్ ఛాన్స్ ఇవ్వడం పట్ల మొదట్లో కొన్ని సందేహాలు వ్యక్తమైనా, ఇటీవల విడుదలైన సినిమా అప్డేట్స్ ఆ అనుమానాలన్నింటినీ పటాపంచలు చేశాయి.
అంచనాలు పెంచిన ఏఆర్ రెహమాన్ మ్యూజిక్
'పెద్ది' సినిమా నుంచి ఇటీవల వచ్చిన గ్లింప్స్తో పాటు, 'చికిరి', 'రైరైరారా' వంటి సాంగ్స్ సినిమాపై అంచనాలను అమాంతం డబుల్ చేశాయి. ఆస్కార్ విన్నర్ ఏఆర్ రెహమాన్ తన మ్యూజిక్తో మరోసారి మ్యాజిక్ చేశారు. అయితే, మేకర్స్ తొలుత ఈ సినిమాను మార్చి 27న విడుదల చేయాలని భావించారు. కానీ, షూటింగ్ ఇంకా కొంత బ్యాలెన్స్ ఉండటం, ఏఆర్ రెహమాన్ బ్యాక్గ్రౌండ్ స్కోర్ వర్క్ డిలే అవ్వడం వల్ల సినిమా రిలీజ్ డేట్ను ఏప్రిల్ 30కి పోస్ట్పోన్ చేశారు.
స్పెషల్ సాంగ్ కోసం ముగ్గురు భామల పరిశీలన
కొత్త రిలీజ్ డేట్ దగ్గర పడుతుండటంతో చిత్ర యూనిట్ శరవేగంగా షూటింగ్ జరుపుతోంది. ఈ సినిమాలో ఒక మాస్ స్పెషల్ (ఐటమ్) సాంగ్ పెండింగ్ ఉన్నట్లు ఇండస్ట్రీ టాక్. ఈ క్రేజీ సాంగ్ కోసం దర్శకుడు బుచ్చిబాబు ప్రస్తుతం ముగ్గురు ట్రెండింగ్ భామల పేర్లను పరిశీలిస్తున్నారట. తన గురువు సుకుమార్ 'రంగస్థలం' చిత్రంలో జిగేల్ రాణిగా మెరిసిన బుట్టబొమ్మ పూజా హెగ్డేతో పాటు, సీతా రామం బ్యూటీ మృణాల్ ఠాకూర్, అలాగే లేటెస్ట్గా వచ్చిన 'ధురంధర్' చిత్రంలో ఐటమ్ సాంగ్తో అదరగొట్టిన ఆయేషా ఖాన్ పేర్లు ఈ లిస్టులో ఉన్నట్లు సమాచారం.
ఏప్రిల్ 30న సౌత్లో టఫ్ ఫైట్
'పెద్ది' చిత్రాన్ని ఏప్రిల్ 30న పాన్ ఇండియా స్థాయిలో విడుదల చేసేందుకు మేకర్స్ ప్లాన్ చేస్తున్నారు. ఆ సమయానికి టాలీవుడ్, నార్త్ బెల్ట్లో ఈ మూవీకి పెద్దగా పోటీ లేకపోయినా.. సౌత్ ఇండియాలో మాత్రం పొరుగు ఇండస్ట్రీల నుంచి గట్టి కాంపిటీషన్ తప్పేలా లేదు. మలయాళంలో ఏప్రిల్ 23న వస్తున్న మల్టీస్టారర్ 'పేట్రియాట్' క్లిక్ అయితే, కేరళలో పెద్ది ఓపెనింగ్స్పై ప్రభావం పడే ఛాన్స్ ఉంది. 'ఆర్ఆర్ఆర్' తర్వాత తమిళ, కేరళ మార్కెట్లలో భారీ ఓపెనింగ్స్ సాధించిన చరణ్కు.. ఇప్పుడు 'పెద్ది' రిజల్ట్ అత్యంత కీలకం కాబోతోంది.
బాక్సాఫీస్ క్లాష్: ఏప్రిల్ చివరి వారంలో విడుదలవుతున్న చిత్రాలు
| సినిమా పేరు | హీరో / ఇండస్ట్రీ | విడుదల తేదీ |
| పెద్ది | రామ్ చరణ్ (టాలీవుడ్) | ఏప్రిల్ 30 |
| కర | ధనుష్ (కోలీవుడ్) | ఏప్రిల్ 30 |
| కేడీ ద డెవిల్ | ధృవ సర్జా (శాండల్వుడ్) | ఏప్రిల్ 30 |
| పేట్రియాట్ | మల్టీస్టారర్ (మాలీవుడ్) | ఏప్రిల్ 23 |
Also Read:
Ustaad Bhagat Singh: ఉస్తాద్ భగత్ సింగ్ కోసం శ్రీలీల తీసుకున్న పారితోషికం ఎంతో తెలుసా?Ustaad Bhagat Singh Inside Talk: రిలీజ్ కు ముందే సోషల్ మీడియాను షేక్ చేస్తున్న ఇన్సైడ్ టాక్
Akshay Kumar: వెంకీ మామ మూవీ రీమేక్ కు రెడీ!
Ustaad Bhagat Singh Tickets: ఏపీలో భారీగా పవన్ మూవీ రేట్లు
Tollywood Celebs Vacations: దుబాయ్ కి బదులు బ్యాంకాక్!
Viswanath and Sons : సూర్యకు అసలైన కమ్బ్యాక్
Allu Sirish Second Innings: నిర్మాతగా మారనున్న అల్లు శిరీష్?
Soubin Shahir : టాలీవుడ్లోకి 'కూలీ' స్టార్ శౌబిన్ షాహిర్!
