Ustaad Bhagat Singh: 'ఉస్తాద్ భగత్ సింగ్' ప్రీ-రిలీజ్ బిజినెస్.. హిట్ కొట్టాలంటే పవన్ ఎంత రాబట్టాలి?
పవర్ స్టార్ పవన్ కళ్యాణ్, మాస్ డైరెక్టర్ హరీష్ శంకర్ కాంబినేషన్లో వస్తున్న మోస్ట్ అవైటెడ్ మూవీ ‘ఉస్తాద్ భగత్ సింగ్’. పదేళ్ల క్రితం బాక్సాఫీస్ను షేక్ చేసిన 'గబ్బర్ సింగ్' లాంటి ఇండస్ట్రీ హిట్ తర్వాత వీరిద్దరి కలయికలో వస్తున్న ప్రాజెక్ట్ కావడంతో ట్రేడ్ వర్గాల్లో భారీ అంచనాలు నెలకొన్నాయి. ఉగాది కానుకగా మార్చి 19న ఈ చిత్రం ప్రపంచవ్యాప్తంగా గ్రాండ్గా విడుదల కాబోతోంది. ఈ నేపథ్యంలో సినిమా ప్రీ-రిలీజ్ థియేట్రికల్ బిజినెస్ లెక్కలు ఆసక్తి రేపుతున్నాయి.
ఏరియాల వారీగా థియేట్రికల్ బిజినెస్:
మైత్రీ మూవీ మేకర్స్ దాదాపు రూ. 150 కోట్ల భారీ బడ్జెట్తో ఈ చిత్రాన్ని నిర్మించారు. ట్రేడ్ వర్గాల అంచనా ప్రకారం, ప్రపంచవ్యాప్తంగా ఈ సినిమా సుమారు రూ. 137 కోట్ల మేర బిజినెస్ చేసింది.
| ఏరియా | బిజినెస్ (కోట్లలో) |
| ఆంధ్రా | రూ. 54 కోట్లు |
| నైజాం | రూ. 50 కోట్లు |
| సీడెడ్ | రూ. 16 కోట్లు |
| ఓవర్సీస్ | రూ. 12 కోట్లు |
| కర్ణాటక | రూ. 5 కోట్లు |
| మొత్తం | రూ. 137 కోట్లు (అంచనా) |
బ్రేక్ ఈవెన్ టార్గెట్.. ఎంత రావాలి?
ఈ లెక్కల ప్రకారం, 'ఉస్తాద్ భగత్ సింగ్' బాక్సాఫీస్ వద్ద క్లీన్ హిట్గా నిలవాలంటే.. లాభాల్లోకి రావడానికి కనీసం రూ. 140 కోట్ల షేర్ వసూలు చేయాల్సి ఉంటుంది. అదే గ్రాస్ (Gross) వసూళ్ల పరంగా చూస్తే, ప్రపంచవ్యాప్తంగా సుమారు రూ. 225 కోట్లు రాబడితే కానీ సినిమా బ్రేక్ ఈవెన్ సాధించలేదు.
పాజిటివ్ బజ్.. రికార్డులు బద్దలవ్వడమే తరువాయి!
ఈ సినిమాలో పవన్ సరసన శ్రీలీల, రాశీ ఖన్నా హీరోయిన్లుగా అలరించనున్నారు. మ్యూజిక్ విషయంలో మేకర్స్ ఒక క్రేజీ ప్రయోగం చేశారు. రాక్స్టార్ దేవి శ్రీ ప్రసాద్ (DSP) పాటలు స్వరపరచగా, మాస్ బ్యాక్గ్రౌండ్ స్కోర్ (BGM) కోసం తమన్ను రంగంలోకి దించారు. ఇప్పటికే రిలీజైన ట్రైలర్ సినిమాపై అంచనాలను అమాంతం పెంచేసింది. ఇండస్ట్రీ ఇన్సైడ్ రిపోర్ట్స్ కూడా పాజిటివ్గా ఉండటంతో.. సినిమాకు ఏమాత్రం హిట్ టాక్ వచ్చినా పవన్ కళ్యాణ్ స్టామినాతో ఈ రూ. 140 కోట్ల టార్గెట్ను రీచ్ అవ్వడం పెద్ద కష్టమేమీ కాదని ట్రేడ్ పండితులు విశ్లేషిస్తున్నారు.
