పశ్చిమాసియా రణరంగంలో మంటలు ఎగసిపడుతున్నాయి! ప్రపంచ ఆర్థిక వ్యవస్థకు గుండెకాయ లాంటి 'హార్మూజ్ జలసంధి' మూసుకుపోవడంతో గ్లోబల్ మార్కెట్లు వణికిపోతున్నాయి. ఈ చమురు సంక్షోభానికి తెరదించేందుకు అంతర్జాతీయ సమాజం ఏకమవుతున్న వేళ, ఉక్కు సంకల్పంతో అడుగులేస్తున్న భారత్కు ఒక కీలక ఆహ్వానం అందింది!
35 దేశాల మహా కూటమి.. సత్తా చాటనున్న భారత్!
యుద్ధం దెబ్బకు మూతపడిన హార్మూజ్ జలసంధి తలుపులు బద్దలు కొట్టేందుకు బ్రిటన్ (యూకే) నాయకత్వంలో ఏకంగా 35 దేశాలు ఏకమయ్యాయి. ఈ చారిత్రక సమావేశానికి భారత్కు సైతం ప్రత్యేక ఆహ్వానం అందినట్లు కేంద్ర విదేశాంగ శాఖ గురువారం అధికారికంగా ప్రకటించింది.
విదేశాంగ శాఖ అధికార ప్రతినిధి రణధీర్ జైస్వాల్ మీడియాతో మాట్లాడుతూ.. గురువారం జరగబోయే ఈ ప్రతిష్టాత్మక సమావేశంలో భారతదేశం తరఫున విదేశాంగ శాఖ కార్యదర్శి విక్రమ్ మిస్త్రీ వర్చువల్గా పాల్గొంటారని స్పష్టం చేశారు. హార్మూజ్ జలసంధి సంక్షోభంపై చర్చించేందుకు యూకే పంపిన ఆహ్వానాన్ని తాము స్వీకరించినట్లు ఆయన వెల్లడించారు.
ఇరాన్తో దౌత్యం.. సేఫ్గా బయటపడ్డ భారత ట్యాంకర్లు!
చమురు, ఎల్పీజీ (LPG), ఎల్ఎన్జీ (LNG) లాంటి అత్యవసర ఇంధనాలతో వస్తున్న మన నౌకల భద్రత కోసం ఇరాన్ సహా ఇతర దేశాలతో నిరంతరం దౌత్యపరమైన మంతనాలు జరుపుతున్నామని జైస్వాల్ తెలిపారు.
ఆ నిరంతర చర్చల ఫలితంగానే.. గత కొద్ది రోజులుగా భారత్కు చెందిన ఆరు భారీ ట్యాంకర్లు అగ్నిగుండం లాంటి హార్మూజ్ జలసంధిని అత్యంత సురక్షితంగా దాటగలిగాయని ఆయన సంతోషం వ్యక్తం చేశారు. సంబంధిత పక్షాలతో సంప్రదింపులు ఇంకా కొనసాగుతూనే ఉన్నాయన్నారు.
ఇక ప్రపంచ ఇంధన సరఫరాలో హార్మూజ్ జలసంధి ప్రాధాన్యత అంతా ఇంతా కాదు. ప్రపంచవ్యాప్తంగా ఐదో వంతు ఇంధనం ఈ మార్గం గుండానే సరఫరా అవుతోంది. మరీ ముఖ్యంగా భారత్ దిగుమతి చేసుకునే చమురులో 40 శాతం, ఎల్ఎన్జీలో 50 శాతం, ఎల్పీజీలో ఏకంగా 80 శాతం ఈ హార్మూజ్ నుంచే వస్తుండటం దీని తీవ్రతకు అద్దం పడుతోంది.
మాట మార్చిన ట్రంప్.. మిత్ర దేశాలకు దిమ్మతిరిగే వార్నింగ్!
ఒకప్పుడు హార్మూజ్ జలసంధిని తిరిగి తెరవడమే తన తొలి ప్రాధాన్యత అని గొప్పలు చెప్పిన అమెరికా అధ్యక్షుడు డొనాల్డ్ ట్రంప్.. బుధవారం ఒక్కసారిగా ప్లేట్ ఫిరాయించారు. యూకే సహా అమెరికా మిత్రదేశాలన్నీ ఇకపై తమ ఇంధనాన్ని తామే సొంతంగా సమకూర్చుకోవాలని ఆయన తేల్చి చెప్పారు. ఇక ముందు అమెరికా నుంచి వారికి ఎలాంటి సహాయం అందదని ఆయన కుండబద్దలు కొట్టారు.
అమెరికాకు అండగా నిలబడని ఏ దేశానికీ తాము సాయం చేసే ప్రసక్తే లేదని ట్రంప్ పదునైన వ్యాఖ్యలు చేశారు. ఇంధన కొరతతో అల్లాడుతున్న యూకే లాంటి దేశాల ముందు ఇప్పుడు రెండే మార్గాలు ఉన్నాయని ట్రంప్ హెచ్చరించారు. "ఒకటి.. ఇంధన నిల్వలు పుష్కలంగా ఉన్న మా దగ్గర (అమెరికాలో) ఆయిల్ కొనుక్కోవాలి. రెండు.. కాస్త ధైర్యం ఉంటే నేరుగా హార్మూజ్ జలసంధి దగ్గరికే వెళ్లి మీ చమురు మీరే తెచ్చుకోవాలి" అంటూ ఆయన చేసిన బెదిరింపులు ఇప్పుడు అంతర్జాతీయ స్థాయిలో తీవ్ర కలకలం రేపుతున్నాయి.
ఒకవైపు మూసుకుపోయిన సముద్ర ద్వారాలు.. మరోవైపు అగ్రరాజ్యం అమెరికా ఇచ్చిన హ్యాండ్! ఈ గ్లోబల్ థ్రిల్లర్లో 35 దేశాల కూటమి వేయబోయే తదుపరి అడుగు.. పశ్చిమాసియా భవిష్యత్తును శాసించబోతోంది!
Also Read:
టెన్షన్ వద్దు మీరు సేఫ్.. ట్విట్టర్లో ఇరాన్ సెన్సేషనల్ ట్వీట్అమెరికా ఆపరేషన్ ఎపిక్ ఫ్యూరీ సక్సెస్: ట్రంప్ సంచలన ప్రసంగం!
హార్మూజ్ జలసంధికి లింక్: ట్రంప్ vs ఇరాన్ వార్!
ఇరాన్ పాలకులపై సైన్యం తిరుగుబాటు.. గుప్పిట్లో అధ్యక్షుడు!
ఇరాన్ యుద్ధం మాకొద్దు: డొనాల్డ్ ట్రంప్కు బ్రిటన్ ప్రధాని షాక్!
