ఉదయం లేవగానే కళ్లు తెరిచి చూసేది ఫోన్. తినే ముందు ఫుడ్కు ఫోటో.. వేసుకున్న బట్టలకు ఓ రీల్. అసలు మనం బతుకుతోంది నిజమైన జీవితం కోసమా? లేక ఇన్స్టాగ్రామ్ లైకుల కోసమా? ప్రతి సామాన్యుడి మెదడును తొలుస్తున్న ఈ 'ఫేక్' ప్రపంచంపై బిలియనీర్ ఎలాన్ మస్క్ వేసిన ఒకే ఒక్క పంచ్ ఇప్పుడు సోషల్ మీడియాను షేక్ చేస్తోంది.
ఇన్స్టాపై మస్క్ 'మగ' సెటైర్!
టెస్లా, స్పేస్ఎక్స్ అధినేత ఎలాన్ మస్క్ ఎప్పుడు మాట్లాడినా సంచలనమే. మనుషుల ఆన్లైన్ ప్రవర్తన, వారి నిజ జీవితాన్ని ఎలా ప్రతిబింబిస్తుంది అనే అంశంపై సోషల్ మీడియాలో తాజాగా ఓ ఆసక్తికరమైన చర్చ జరిగింది.
రోజూ స్టోరీలు పెట్టడం, తినే ఫుడ్ ఫోటోలు అప్లోడ్ చేయడం, సెల్ఫీలు, స్టైలిష్ ఫోటోషూట్లు షేర్ చేయడం లాంటి ట్రెండ్స్పై ఎవరికి తోచినట్లు వాళ్లు మాట్లాడుకున్నారు. ఈ చర్చలోకి ఎంట్రీ ఇచ్చిన మస్క్.. మగవాళ్ల ఇన్స్టా అలవాట్లపై చేసిన కామెంట్ ఇప్పుడు పెను దుమారం రేపుతోంది.
"కొంతమంది మగవాళ్లు నాకు వాళ్ల ఇన్స్టా ప్రొఫైల్స్ పంపుతుంటారు. అవి చూస్తే.. వీళ్లు ఏమైనా లింగమార్పిడి చేయించుకుంటున్నారా? అన్న అనుమానం వస్తుంది" అంటూ మస్క్ సెటైరికల్గా బాంబు పేల్చారు.
జోకా? లేక ఎగతాళా? నెట్టింట వార్
మస్క్ చేసిన ఈ కామెంట్ క్షణాల్లో ప్రపంచవ్యాప్తంగా వైరల్ అయింది. కొందరు దీనిని సరదా జోక్గా లైట్ తీసుకుంటే, మరికొందరు మాత్రం ఇది పురుషులను, మహిళలను దారుణంగా కించపరచడమే అంటూ తీవ్రంగా మండిపడుతున్నారు.
ప్రస్తుతం ఇన్స్టాగ్రామ్ అంతా ఫేక్ ఫిల్టర్ల మయం అయిపోయిందని, నిజ జీవితం కంటే నకిలీ ఇమేజ్లకే జనాలు ప్రాధాన్యం ఇస్తున్నారని మస్క్ కామెంట్ను చాలా మంది గట్టిగానే సమర్థిస్తున్నారు.
మరోవైపు.. ఎవరి అభిరుచులు వాళ్లవి, స్వేచ్ఛగా బతికే హక్కు అందరికీ ఉందని, దాన్ని ఇలా ఎగతాళి చేయడం మస్క్ అహంకారానికి నిదర్శనం అంటూ విమర్శల వర్షం కురుస్తోంది.
ఎప్పటిలాగే అటెన్షన్ కోసమేనా?
"మీకు కనిపించేవన్నీ నిజమైన అకౌంట్లు కాకపోవచ్చు. సోషల్ మీడియాలో కనిపించేదంతా నిజ జీవితం కాదు" అంటూ ఒక నెటిజన్ మస్క్కు గట్టి కౌంటర్ ఇచ్చాడు. ఎప్పటిలాగే కేవలం అటెన్షన్ కోసమే మస్క్ ఇలాంటి వివాదాస్పద కామెంట్స్ చేస్తున్నారని ఇంకొందరు విమర్శించారు.
నిజానికి రాజకీయాలు, జెండర్, సోషల్ మీడియా అంశాలపై మస్క్ ఇలా బోల్డ్ కామెంట్స్ చేయడం ఇదే తొలిసారి కాదు. తన సొంత ప్లాట్ఫామ్ 'ఎక్స్' వేదికగా ఆయన ఎప్పుడూ ఇలాగే వివాదాల్లో నిలుస్తుంటారు.
కుంగిపోతున్న యువత.. ఫేక్ లైఫ్స్టైల్ భూతం
ప్రస్తుతం సోషల్ మీడియాలో ఎక్కడ చూసినా లగ్జరీ జీవితం, ఖరీదైన రెస్టారెంట్లు, బ్రాండెడ్ ఫ్యాషన్, రిలేషన్షిప్ ఫోటోలే కనిపిస్తున్నాయి. ఈ 'ఫేక్ లైఫ్స్టైల్ కల్చర్' చూసి మన యువత అనవసరమైన మానసిక ఒత్తిడికి గురవుతోందని నిపుణులు తీవ్రంగా హెచ్చరిస్తున్నారు.
సరిగ్గా ఇలాంటి విపత్కర పరిస్థితుల్లో ఎలాన్ మస్క్ చేసిన తాజా వ్యాఖ్యలు.. సోషల్ మీడియా మాయాజాలంపై, అది యువతపై చూపుతున్న ప్రమాదకరమైన ప్రభావంపై మరోసారి గట్టి చర్చకు తెరతీశాయి.
ఎలాన్ మస్క్ చేసిన కామెంట్స్ కాస్త అతిగా, వివాదాస్పదంగా అనిపించినా.. అందులో దాగి ఉన్న ఆంతర్యం మాత్రం నూటికి నూరుపాళ్లు నిజం! పది మంది మెచ్చుకోవాలని, వంద లైకులు రావాలని మనకు లేని జీవితాన్ని ఫిల్టర్ల వెనుక దాచి ప్రదర్శించడం మన యువతకు పట్టిన అతిపెద్ద మానసిక రోగం. వర్చువల్ ప్రపంచంలో 'ఫేక్ ఇమేజ్' కోసం పాకులాడే బదులు.. రియల్ లైఫ్లో మనల్ని మనం చెక్కుకుంటే సమాజం మనల్ని నిజంగానే ఫాలో అవుతుంది. ఇన్స్టా రీల్స్ జీవితాన్ని డిసైడ్ చేయవు.. రియల్ స్కిల్స్ మాత్రమే మన భవిష్యత్తును నిర్ణయిస్తాయి!
