బోల్డ్ యాక్టింగ్, ముక్కుసూటి మాటలతో సౌత్ ఇండస్ట్రీలో ప్రత్యేక గుర్తింపు తెచ్చుకున్న నటి వరలక్ష్మి శరత్‌కుమార్, తన వ్యక్తిగత జీవితంపై తీసుకున్న ఓ సంచలన నిర్ణయం ఇప్పుడు హాట్ టాపిక్‌గా మారింది. పెళ్లయిన తర్వాత పిల్లల్ని కనకూడదని తాను ఫిక్స్ అయినట్లు వరలక్ష్మి ఓపెన్‌గా ప్రకటించారు. 2024లో ముంబైకి చెందిన ఆర్ట్ గ్యాలరిస్ట్ నికోలాయ్ సచ్‌దేవ్‌ను పెళ్లాడిన ఈ టాలెంటెడ్ నటి, తాజాగా ఒక ఇంటర్వ్యూలో తన మాతృత్వం, కుటుంబ ప్రణాళికపై చేసిన ఈ బోల్డ్ కామెంట్స్ నెట్టింట తీవ్ర చర్చకు దారితీస్తున్నాయి.
[FEATURED_IMAGE]పెళ్లి తర్వాత 'శుభవార్త ఎప్పుడు?' అని అడగడం మన సమాజంలో చాలా సాధారణంగా జరిగే తంతు. అయితే, తెరపైనే కాదు నిజజీవితంలోనూ ఎంతో బోల్డ్‌గా ఉండే వరలక్ష్మి శరత్‌కుమార్ ఈ పదే పదే ఎదురయ్యే ప్రశ్నకు ఏమాత్రం తటపటాయించకుండా నిర్మొహమాటంగా బదులిచ్చారు. ఇటీవల ముంబైకి చెందిన ప్రముఖ ఆర్ట్ గ్యాలరిస్ట్ నికోలాయ్ సచ్‌దేవ్‌ను వివాహమాడిన ఈమె, భవిష్యత్తులో కూడా తనకు పిల్లలు వద్దనేది తన వ్యక్తిగత నిర్ణయమని కుండబద్దలు కొట్టారు. తనకు పిల్లలు పుట్టరనేది నిజం కాదని, ఆ బాధ్యత వద్దనుకోవడం పూర్తిగా తన ఛాయిస్ అని వరలక్ష్మి క్లారిటీ ఇచ్చారు.
పిల్లల్ని కనడమే పేరెంటింగ్ కాదని, వాళ్లను ఈ లోకంలోకి తీసుకొచ్చిన తర్వాత ఆ బాధ్యతలను సరిగ్గా మోయగలమా లేదా అని గుర్తించడమే నిజమైన పేరెంటింగ్ అని ఆమె బలంగా అభిప్రాయపడ్డారు. ఆ పేరెంటింగ్ బాధ్యతలకు తాను సిద్ధంగా లేనందుకే, పిల్లల జోలికి వెళ్లకపోవడం ఉత్తమమని భావించి ఈ కఠినమైన నిర్ణయం తీసుకున్నట్లు ఆమె స్పష్టం చేశారు. సమాజం ఎన్ని ప్రశ్నలు వేసినా ఈ విషయంలో తన భర్త నికోలాయ్ సచ్‌దేవ్ కూడా తనకు పూర్తి మద్దతుగా నిలిచారని, ఆయన ఆలోచనా విధానం కూడా తనలాగే ఉందని వరలక్ష్మి వెల్లడించారు.
ఇకపోతే, తన భర్త నికోలాయ్ మొదటి వివాహానికి పుట్టిన కుమార్తెను వరలక్ష్మి ఇప్పటికే సొంత బిడ్డలాగే ప్రేమగా చూసుకుంటున్నారు. ఆ పాపతో పాటు, తన ఇంట్లో ఉన్న రెండు పెంపుడు కుక్కలను సైతం తన కన్న పిల్లల కంటే ఎక్కువగా ఆదరిస్తున్నానని ఈమె ఎంతో ఎమోషనల్‌గా చెప్పుకొచ్చారు. ఇండస్ట్రీలో ఒక స్టార్ హీరోయిన్‌ హోదాలో ఉంటూ, ఇలాంటి సున్నితమైన కుటుంబ అంశాల గురించి ఏమాత్రం దాచుకోకుండా వరలక్ష్మి చేసిన ఈ నిజాయితీ గల వ్యాఖ్యలపై నెటిజన్లు రకరకాలుగా స్పందిస్తున్నారు. సమాజం ఏమనుకుంటుందో అని భయపడకుండా తన మనసులోని మాటను ధైర్యంగా చెప్పిన వరలక్ష్మిని పలువురు అభినందిస్తుండటం విశేషం.
