నాగార్జున, ధనుష్ ప్రధాన పాత్రల్లో శేఖర్ కమ్ముల దర్శకత్వంలో తెరకెక్కిన 'కుబేర' సినిమా విడుదలకు సిద్ధంగా ఉంది. ఈ చిత్రంలో రష్మికా మందన్నా హీరోయిన్‌గా నటించింది. ధనుష్ బిచ్చగాడి పాత్రలో కనిపించనున్నారు, ఇది ప్రేక్షకులను ఆకట్టుకుంటుందని చిత్ర యూనిట్ భావిస్తోంది. ధనిక-పేద తేడాలు, 10 వేల కోట్ల స్కామ్ నేపథ్యంతో రూపొందిన ఈ సినిమా ఈ నెల 20న తెలుగు, తమిళ, హిందీ భాషల్లో విడుదల కానుంది. సునీల్ నారంగ్, పుస్కూరు రామ్మోహన్ రావు ఈ చిత్రాన్ని నిర్మించారు.
విజయ్ దేవరకొండ ట్వీట్ వైరల్
'కుబేర' సినిమా విడుదలకు ముందు టాలీవుడ్ హీరో విజయ్ దేవరకొండ చేసిన ట్వీట్ ప్రస్తుతం వైరల్ అవుతోంది. బిగ్‌స్క్రీన్‌పై సందడి చేయబోతున్న 'కుబేర' చిత్రానికి ఆయన అభినందనలు తెలిపారు. "శేఖర్ కమ్ముల సర్ పేరు నా ప్రయాణంలో ఎల్లప్పుడూ ప్రత్యేకం. నాలాంటి చాలా మంది నటులకు ఆయనే ఆదర్శం" అని విజయ్ దేవరకొండ కొనియాడారు.
ఈ సినిమాలో ధనుష్, నాగార్జున సర్, రష్మిక వంటి స్టార్లను చూసేందుకు ఎంతో ఆతృతగా ఎదురు చూస్తున్నానని ఆయన ట్వీట్ చేశారు. ఈ సందర్భంగా 'కుబేర' టీమ్‌కు ఆల్ ది బెస్ట్ చెబుతూ, "ఈ చిత్రాన్ని థియేటర్లలో చూసేందుకు ఇక వేచి ఉండలేను" అంటూ రాసుకొచ్చారు. రష్మిక నటించిన సినిమాకు విజయ్ దేవరకొండ ఆల్ ది బెస్ట్ చెప్పడంపై అభిమానులు సంతోషం వ్యక్తం చేస్తున్నారు.
Wishing #Kuberaa all the very best as it heads to the big screen. @sekharkammula sir will always be a special name in my journey — he gave many actors like me hope.
— Vijay Deverakonda (@TheDeverakonda) June 17, 2025
To see him now telling a story on this scale, with a cast filled with personal favourites like @dhanushkraja,…
