రాత్రిపూట కాళ్ల నొప్పులా? ఈ విటమిన్ లోపమే కారణం!

 రాత్రిపూట కాళ్ల నొప్పులతో నిద్ర పట్టడం లేదా? దీనికి కారణం వయసు అనుకుంటే పొరపాటే. మీ ఒంట్లో ఈ ముఖ్యమైన విటమిన్లు తగ్గితే.. రాత్రికి నరకం చూడాల్సిందే!

మన జీవనశైలి కారణంగా అనేక ఆరోగ్య సమస్యలు వస్తున్నాయి. వీటిలో చాలా మంది ఎదుర్కొనే సాధారణ సమస్య కాళ్ల నొప్పులు. ముఖ్యంగా రాత్రి పడుకున్నాక కాళ్లలో దురద, నొప్పి, జలదరింపు లేదా ఏదో పాకుతున్నట్లు అనిపించడం తీవ్ర అసౌకర్యాన్ని కలిగిస్తుంది. ఈ నొప్పి ప్రశాంతమైన నిద్రకు భంగం కలిగిస్తుంది.

తిమ్మిర్లు, నొప్పులకు అసలు కారణం?

వయసు పెరిగే కొద్దీ కండరాలు కుంచించుకుపోయి ఈ సమస్య రావడం సహజమే. అయితే, ఈ నొప్పులు రావడానికి కేవలం వయస్సు మాత్రమే కాదు, మన శరీరంలో కొన్ని ముఖ్యమైన పోషకాల లోపమే ప్రధాన కారణం. నరాల ఆరోగ్యానికి, కండరాల సరైన పనితీరుకు కీలకమైన విటమిన్లు, ఖనిజాలు లోపించినప్పుడు ఈ లక్షణాలు బయటపడతాయి.

ఏ విటమిన్లు తగ్గితే ఈ ముప్పు?

శరీరంలో విటమిన్ D, విటమిన్ B12, విటమిన్ B1, విటమిన్ B6 వంటివి తగ్గినా, లేదా ఐరన్, మెగ్నీషియం, పొటాషియం వంటి ఖనిజాల లోపం ఏర్పడినా కాళ్లలో తిమ్మిరి, జలదరింపు, అధిక అలసట వంటి సమస్యలు తలెత్తుతాయి. ఈ పోషకాలు నరాల వ్యవస్థను, కండరాలను బలంగా ఉంచడంలో కీలకంగా పనిచేస్తాయి.

పరిష్కారం: ఈ ఆహారాలు తినండి

కాళ్ల నొప్పులను తగ్గించుకోవాలంటే, లోపించిన పోషకాలను మన రోజువారీ ఆహారంలో తిరిగి చేర్చుకోవాలి.

• విటమిన్ B12: ఈ లోపాన్ని అధిగమించడానికి నారింజ, ద్రాక్షపండ్లు, ఆపిల్, కివీస్ వంటి పండ్లు, అలాగే పాల ఉత్పత్తులు, మాంసం తీసుకోవడం మంచిది.
• విటమిన్ B6: నాడీ వ్యవస్థ ఆరోగ్యానికి ముఖ్యమైన విటమిన్ B6 కోసం, పులియబెట్టిన ఆహారాలు (Fermented foods), తృణధాన్యాలు, చేపలు తీసుకోవాలని ఆరోగ్య నిపుణులు సలహా ఇస్తారు.
• విటమిన్ C: కొన్నిసార్లు కిడ్నీ సంబంధిత సమస్యలు కూడా కాళ్ల నొప్పులకు దారితీయవచ్చు. విటమిన్ C తీసుకోవడం ద్వారా కిడ్నీల ఆరోగ్యాన్ని మెరుగుపరుచుకోవచ్చు. దీని కోసం నిమ్మ, నారింజ, ఉసిరి (ఆమ్లా), టమోటా, జామ, అరటిపండు, బీట్‌రూట్ వంటివి తినాలి.
• విటమిన్ D: ప్రతిరోజూ కొంత సమయం ఉదయం సూర్యకాంతిలో గడపడం ఉత్తమ మార్గం. దీంతో పాటు పాలు, తృణధాన్యాలు, కొవ్వు చేపలు, పుట్టగొడుగులు వంటి ఆహారాలు సహాయపడతాయి.
• విటమిన్ E: కండరాల పనితీరు మెరుగుపడటానికి విటమిన్ E చాలా అవసరం. బాదం, పొద్దుతిరుగుడు విత్తనాలు, పాలకూర, అవకాడో, టమోటాలు, కివి, గుమ్మడికాయ, వేరుశెనగలు వంటి వాటిని తీసుకోవాలి.

కేవలం వయసు పైబడటం వల్లే ఈ నొప్పులు వస్తున్నాయని నిర్లక్ష్యం చేయవద్దు. సరైన పోషకాహారం తీసుకోవడం ద్వారా ఈ పోషక లోపాలను సమర్థవంతంగా ఎదుర్కొని, ప్రశాంతమైన నిద్రను తిరిగి పొందవచ్చు.