వరుస ప్లాపుల్లో ఉన్న ఆ హీరోయిన్ ఇప్పుడు రామ్ పోతినేనితో ప్రేమలో ఉందా? ఆమె ఇచ్చిన క్లారిటీ పుకార్లకు బ్రేక్ వేస్తుందా.. లేక కొత్త డౌట్స్ పుట్టిస్తోందా?
రామ్ పోతినేని హీరోగా, మహేష్ బాబు పి దర్శకత్వంలో తెరకెక్కుతున్న క్రేజీ ప్రాజెక్ట్ 'ఆంధ్రా కింగ్ తాలూకా'. ఒక స్టార్ హీరో, అతని వీరాభిమాని జీవితాల చుట్టూ తిరిగే ఈ కథలో.. రామ్ అభిమానిగా కనిపిస్తుంటే, కన్నడ రియల్ స్టార్ ఉపేంద్ర సూపర్ స్టార్ పాత్రలో మెరవనున్నారు. అయితే, ఈ సినిమాలో హీరోయిన్గా నటిస్తున్న భాగ్యశ్రీ బోర్సే (Bhagyashri Borse) ఇప్పుడు ఇండస్ట్రీలో హాట్ టాపిక్గా మారింది.
వరుస ప్లాపులు.. ఈ సినిమానే దిక్కు!
'మిస్టర్ బచ్చన్' సినిమాతో టాలీవుడ్ ఎంట్రీ ఇచ్చిన భాగ్యశ్రీకి అదృష్టం మాత్రం అంతగా కలిసిరావడం లేదు. ఆమె చేసిన సినిమాలు క్రేజ్ తెచ్చినా, బాక్సాఫీస్ దగ్గర మాత్రం నిరాశే మిగిల్చాయి. ఆమె ట్రాక్ రికార్డ్ ఇలా ఉంది:
రవితేజతో 'మిస్టర్ బచ్చన్'
విజయ్ దేవరకొండ సరసన 'కింగ్డమ్'
దుల్కర్ సల్మాన్తో 'కాంత'
ఈ మూడు భారీ ప్రాజెక్టులే అయినా, ఫలితం మాత్రం ఆమెకు వర్కౌట్ కాలేదు. దీంతో ఇప్పుడు రామ్తో చేస్తున్న 'ఆంధ్రా కింగ్ తాలూకా' సినిమా మీదే ఆమె తన ఆశలన్నీ పెట్టుకుంది.
రామ్తో డేటింగ్? ఆమె ఏమంటోందంటే..
ఇదిలా ఉండగా, రామ్ పోతినేనితో భాగ్యశ్రీ ప్రేమాయణం సాగిస్తోందంటూ గత కొద్దిరోజులుగా సోషల్ మీడియాలో పుకార్లు షికారు చేస్తున్నాయి. తాజాగా సినిమా ప్రమోషన్స్లో ఆమె దీనిపై స్పందించింది. రామ్ తనకు కేవలం మంచి స్నేహితుడు మాత్రమేనని, నటన విషయంలో ఆయన తనకు ఎప్పుడూ ఆదర్శమని చెప్పుకొచ్చింది. తెరపై తమ కెమిస్ట్రీ చూసి ప్రేక్షకులు ఫిదా అవుతారని చెబుతూనే, పరోక్షంగా డేటింగ్ వార్తలను ఖండించే ప్రయత్నం చేసింది.
అయితే, ఇటీవల విశాఖపట్నంలో జరిగిన మ్యూజికల్ కన్సర్ట్లో రామ్ గురించి ఆమె మాట్లాడిన తీరు చాలా ప్రేమపూర్వకంగా ఉందనే చర్చ నడుస్తోంది. ఆమె మాటలు పుకార్లకు బ్రేక్ వేసినట్టే ఉన్నా, ఆ ఆప్యాయత చూస్తుంటే వారిద్దరి మధ్య ఏదో ఉందన్న అనుమానాలు ఇంకా కొనసాగుతూనే ఉన్నాయి.
