ఢిల్లీలోని ఇందిరా గాంధీ అంతర్జాతీయ విమానాశ్రయం.. ఉదయం సరిగ్గా 11:34 గంటలు. కెనడాలోని వాంకోవర్ వెళ్లేందుకు వందలాది మంది ప్రయాణికులు ఎన్నో ఆశలతో, మరెన్నో పనుల నిమిత్తం ఎయిర్ ఇండియా (AI185) విమానం ఎక్కారు. టేకాఫ్ అయ్యాక అంతా తమ సీట్లలో సౌకర్యవంతంగా సర్దుకున్నారు. ఇంకో పదిహేను గంటల్లో గమ్యస్థానం చేరుకుంటామన్న ప్రశాంతత వాళ్లది. కానీ, సరిగ్గా నాలుగు గంటల ఆకాశ ప్రయాణం తర్వాత విమానంలో ఒక్కసారిగా ఊహించని గందరగోళం. తూర్పు దిశగా దూసుకెళ్తున్న ఆ విమానం చైనాలోని కున్మింగ్ గగనతలాన్ని సమీపిస్తున్న తరుణంలో.. పైలట్లకు ఏవియేషన్ కంట్రోల్ రూమ్ నుంచి ఒక షాకింగ్ మెసేజ్ అందింది. ఆ దెబ్బతో విమానం గాలిలోనే అనూహ్యంగా యూ-టర్న్ తీసుకుంది. ఎక్కడి నుంచి బయలుదేరిందో మళ్లీ అక్కడికే పయనమైంది. ప్రయాణికులకు ఊపిరి ఆడని ఉత్కంఠ.. అసలు ఆకాశంలో ఏం జరుగుతోంది?
ఒక చిన్న నిర్లక్ష్యం.. గాలిపటంగా మారిన విమానం!
గంటలు గడుస్తున్నాయి.. ప్రయాణికుల్లో ఆందోళన పెరుగుతోంది. ఎయిర్ ఇండియా చేసిన ఒక చిన్న సాంకేతిక నిర్లక్ష్యం వందలాది మంది ప్రయాణికులను నడి ఆకాశంలో విలవిలలాడేలా చేసింది. అసలు గుట్టు ఏమిటంటే.. ఢిల్లీ నుంచి వాంకోవర్ వెళ్లేందుకు ఎయిర్ ఇండియా సంస్థ ఆరోజు 'బోయింగ్ 777-200LR' విమానాన్ని ఉపయోగించింది. కానీ, అంతర్జాతీయ ఏవియేషన్ నిబంధనల ప్రకారం ప్రస్తుతం కెనడా గగనతలంలోకి ప్రవేశించడానికి ఎయిర్ ఇండియాకు చెందిన 'బోయింగ్ 777-300ER' మోడల్ విమానాలకు మాత్రమే అధికారిక అనుమతి ఉంది. కనీసం ఈ క్రాస్ చెకింగ్ చేసుకోకుండానే విమానాన్ని గాల్లోకి లేపేశారు. తీరా కెనడా బార్డర్ వైపు వెళ్తుండగా, తమకు ఆ దేశంలో ల్యాండ్ అయ్యే పర్మిషన్ లేదన్న చేదు నిజం ఎయిర్ ఇండియా అధికారులకు తెలిసొచ్చింది. దీంతో చేసేదేమీ లేక విమానాన్ని వెనక్కి పిలిపించారు.
8 గంటల నరకం.. 'ఫ్లైట్ టు నోవేర్'
కెనడా వెళ్లాల్సిన విమానం, ఉదయం నుంచి సాయంత్రం దాకా సుమారు 7 గంటల 54 నిమిషాల పాటు గాలిలోనే గమ్యం లేకుండా ప్రయాణించింది. చివరికి రాత్రి 7:19 గంటల ప్రాంతంలో తిరిగి ఢిల్లీ విమానాశ్రయంలోనే సురక్షితంగా ల్యాండ్ అయింది. అప్పటిదాకా బిక్కుబిక్కుమంటూ గడిపిన ప్రయాణికులు, సిబ్బంది ఢిల్లీలో ల్యాండ్ అవ్వగానే ఊపిరి పీల్చుకున్నారు. సోషల్ మీడియాలో ఇప్పుడు ఈ ఉదంతం 'ఫ్లైట్ టు నోవేర్' (Flight to Nowhere) పేరుతో తీవ్ర కలకలం రేపుతోంది. ఒక ప్రఖ్యాత విమానయాన సంస్థ, అనుమతులు లేని విమానాన్ని ఒక అంతర్జాతీయ పర్యటనకు ఎలా పంపిస్తుందంటూ నెటిజన్లు ఎయిర్ ఇండియా తీరుపై తీవ్ర స్థాయిలో మండిపడుతున్నారు.
డ్యామేజ్ కంట్రోల్ లో ఎయిర్ ఇండియా
తీవ్ర విమర్శల నడుమ ఎయిర్ ఇండియా యాజమాన్యం ఈ సంఘటనపై స్పందించింది. ఇదొక ఊహించని 'ఆపరేషనల్ ప్రాబ్లమ్' అని కప్పిపుచ్చుకునే ప్రయత్నం చేసింది. ప్రయాణికుల భద్రత, అంతర్జాతీయ నిబంధనలను దృష్టిలో ఉంచుకునే విమానాన్ని వెనక్కి మళ్లించామని వివరణ ఇచ్చుకుంది. ఢిల్లీకి తిరిగి వచ్చిన వెంటనే ప్రయాణికులందరికీ ఎలాంటి ఇబ్బందులు కలగకుండా అత్యుత్తమ హోటళ్లలో బస ఏర్పాటు చేశామని, వారిని వీలైనంత త్వరగా కెనడాలోని వాంకోవర్కు పంపించేందుకు ప్రత్యామ్నాయ విమాన ఏర్పాట్లు కూడా శరవేగంగా చేశామని అధికారులు వెల్లడించారు. ఏది ఏమైనా, ఎయిర్ ఇండియా చేసిన ఈ బ్లండర్ మిస్టేక్ ఇప్పుడు అంతర్జాతీయ ఏవియేషన్ రంగంలో హాట్ టాపిక్గా మారింది.
Also Read:
Iran Crisis: 94 కోట్ల రివార్డ్.. ఇజ్రాయెల్ గురి.. ఊహాగానాల నడుమ ఎట్టకేలకు తెరపైకి ఇరాన్ కొత్త సుప్రీం లీడర్!UK Visa Fee Hike: ఇంధన సంక్షోభం వేళ లండన్ మాస్టర్ స్ట్రోక్.. వలసదారులపై ‘వీసా’ పిడుగు!
Trump Shocking Comments: ఓవల్ ఆఫీసులో పిన్ డ్రాప్ సైలెన్స్.. జపాన్ ప్రధాని ముందు ట్రంప్ పేల్చిన 'పెర్ల్ హార్బర్' బాంబు!
US vs Iran War: పల్టీ కొట్టిన ట్రంప్ వ్యూహం.. ఇరాన్ చేతిలో అమెరికాకు ఊహించని పరాభవం!
Hormuz Strait Crisis: హార్ముజ్ కోసం ఆరు దేశాల కూటమి.. ఇరాన్కు చెక్ పెట్టేందుకు రంగంలోకి!
Middle East Crisis: ఖతార్ గ్యాస్ ప్లాంట్పై ఇరాన్ భీకర దాడి.. భారత్కు తప్పని ఇంధన కష్టాలు!
Global Internet Outage Fears : సముద్ర గర్భంలో కేబుళ్ల కట్టింగ్ కు ఇరాన్ ప్లాన్.. కోవిడ్ కంటే భయంకరమైన పరిస్థితులు!
Middle East Crisis: ఇంధన క్షేత్రాలే లక్ష్యంగా ఇరాన్ దాడులు.. రంగంలోకి దిగిన ట్రంప్
Qatar vs Iran: 24 గంటల్లో దేశం విడిచి వెళ్లండి.. ఇరాన్ అధికారులకు ఖతార్ వార్నింగ్
